اسلام آباد : ٹک ٹوکر ثنا یوسف کے المناک قتل کے تناظر میں والدین کے لیے اہم ایڈوائزری جاری کردی گئی۔
تفصیلات کے مطابق ملک میں چائلڈ پورنو گرافی ،سائبربلیئنگ اورآن لائن جرائم کےبڑھتےواقعات نےخطرے کی گھنٹی بجادی ہے۔
ٹک ٹوکر ثنا یوسف کے المناک قتل کے تناظر میں نیشنل سائبر ایمرجنسی رسپانس ٹیم نے والدین کے لیے اہم ایڈوائزری جاری کردی۔
جس میں کہا گیا ہے کہ سائبراسپیس بچوں کے لیے کھیل کا میدان نہیں ، ڈیجیٹل دنیا میں بچوں کی نگرانی اور رہنمائی ناگزیرہوچکی ہے۔
ایڈوائزری میں کہنا ہے کہ بچوں کوڈیجیٹل سیفٹی کی تربیت دینا ضروری ہے، بچوں کو سوشل میڈیا پر ذاتی معلومات شیئرکرنے سے روکیں۔
مزید پڑھیں : ثناء یوسف قتل کیس: ملزم عمر حیات کے تہلکہ خیز انکشافات
گوگل فیملی لنک یا مائیکرو سافٹ فیملی سیفٹی استعمال کرتے ہوئے بچوں کی ڈیجیٹل سرگرمیوں پر کڑی نظر رکھیں اور آن لائن وقت کے لیے حدود مقررکریں تاکہ بچہ حقیقی زندگی سے نہ کٹے۔
قومی سائبرایجنسی رسپانس ٹیم کا کہنا ہے کہ مشکوک نیٹ ورکس اور مجرمانہ سرگرمیوں کے پیش نظر بچوں کی سائبرسیفٹی والدین کی "ڈیجیٹل ڈیوٹی” بن چکی ہے۔
خیال رہے اسلام آباد میں معروف سوشل میڈیا انفلوئنسر ثناء یوسف کے قتل نے معاشرے کو جھنجھوڑ کر رکھ دیا ہے، اس واقعے نے معاشرتی زوال اور بڑھتی ہوئی عدم برداشت کی نشاندہی کی ہے۔
قاتل نے ایک معصوم جان صرف اس لیے لے لی کہ مقتولہ نے اس سے دوستی کرنے سے انکار کر دیا تھا۔
