وفاقی وزیرخزانہ محمد اورنگزیب نے کہا ہے کہ بجٹ سے متعلق قبل ازوقت کچھ بھی کہنا مشکل ہے، 10 جون کو بجٹ پیش کیا جارہا ہے۔
تفصیلات کے مطابق محمداورنگزیب کی عیدالاضحی کے موقع پر کمالیہ آمد ہوئی، وزیرخزانہ نے کہا کہ اکنامک سروے کل لانچ کرنے جارہے ہیں، پچھلے ایک سال میں وزیراعظم کی قیادتِ میں بہتری آئی، ملکی معیشت میں جو استحکام آیا اسے آگے لےکر جائیں گے۔
وزیرخزانہ نے کہا کہ بجٹ میں غریب عوام کو ریلیف دیا جائےگا، کئی اقدامات کریں گے جس میں ریلیف اور گروتھ کا عنصر شامل ہے، بجٹ میں ایسے اقدامات کررہے ہیں جس سے ملک آگے بڑھے گا۔
انھوں نے کہا کہ ایک رات میں سب ٹھیک نہیں ہوسکتا وقت لگے گا۔ آج ہر کوئی تسلیم کررہا ہے ملکی معیشت میں بہتری آچکی ہے۔
محمد اورنگزیب نے کہا کہ پاک بھارت جنگ میں وزیراعظم اور فیلڈ مارشل کا اہم کردار رہا ہے، پاک بھارت جنگ میں پاکستانی میڈیا کا کردار قابل ستائش ہے، میڈیا مالکان سے ملاقات ہوئی ان کے واجبات جلد ادا کردیے جائیں گے۔
وفاقی وزیرخزانہ محمد اورنگزیب نے کہا کہ عیدالاضحیٰ پر اہل اسلام کو مبارکباد پیش کرتا ہوں، شہباز شریف کی انتھک محنت سے پاکستان ترقی کی منازل طے کررہا ہے، ملکی تعمیر و ترقی کیلئے جامع اقدامات کیے جارہے ہیں۔
اسپیکر ایاز صادق نے وفاقی بجٹ کیلئے قومی اسمبلی کے شیڈول کی منظوری دیدی
