دنیا کے مشہور ٹک ٹاک اسٹار ’’کھابے لیم‘‘ امریکا سے بےدخل کردیا گیا، انھیں لاس ویگاس ایئرپورٹ پر امریکی حکام نے حراست میں لیا۔
غیرملکی میڈیا رپورٹس کے مطابق سینیگال سے تعلق رکھنے والے ٹک ٹاکر کھابےلیم جو اپنی خاموش ویڈیوز کی وجہ سے دنیا بھر میں جانے جاتے ہیں انھیں امیگریشن حکام نے لاس ویگاس ایئرپورٹ پر ویزاخلاف ورزی پر حراست میں لیا گیا۔
امریکی امیگریشن حکام نے کہا کہ کھابے لیم کو رضاکارانہ طور پر ملک چھوڑنے کی اجازت دی گئی، کھابے لیم کو ڈی پورٹ نہیں کیا گیا، مستقبل میں دوبارہ داخلے پر پابندی نہیں لگے گی۔
162 ملین فالورز کے حامل کھابے لیم نے کورونا وبا کے دورمیں اپنی ویڈیوز سے عالمگی شہرت حاصل کی تھی، ان کی ویڈیوز کو دنیا کے ہر خطے میں پسند کیا گیا تھا۔
ٹک ٹاکر کو حراست میں لینے کا واقعہ 6جون کو پیش آیا جب اٹلی کی شہریت رکھنے والے 25سالہ ٹک ٹاک اسٹار کھابے لیم لاس ویگاس پہنچے تھے۔
امریکی امیگریشن حکام نے کھابے لیم کے ویزا کی مدت زائد المعیاد ہونے کی بنا حراست میں لیا، امیگریشن اینڈ کسٹمز انفورسمنٹ نے بعد ازاں تصدیق کی کہ کھابے لامے نے ویزا کی شرائط کی خلاف ورزی کی تاہم اسی روز انہیں رضاکارانہ واپسی کی اجازت دیدی گئی۔
