اتل انیب : اسرائیل فوج نے ایران کے 3 اعلیٰ فوجی کمانڈروں کو شہید کرنے کا دعویٰ کردیا۔
تفصیلات کے مطابق ایران پر حملے کے بعد اسرائیلی فوج کی جانب سے کہا گیا کہ حملوں میں ایران میں 100سے زائدمقامات کونشانہ بنایا اور 200 طیاروں سے حملے کیے گئے۔
اسرائیلی فوج نے ایرانی حکومت کے تین اعلیٰ ترین فوجی کمانڈروںکو شہید کرنے کا دعویٰ بھی کیا، جن میں ایرانی فوج کے آرمی چیف اور پاسداران انقلاب کےکمانڈر ان چیف اور کمانڈر خاتم الانبیا سینٹرل ہیڈ کوارٹرز شامل ہیں۔
دوسری جانب اسرائیل کی فضائی حدود بند کرکے ہنگامی حالت نافذ کردی گئی ہے اور ریزرو فوج کو طلب کرلیا گیا ہے۔
مزید پڑھیں : اسرائیل نے ایران کے فضائی دفاعی نظام کو کیسے نشانہ بنایا؟ فوٹیج جاری
اسرائیلی شہریوں کو محفوظ مقامات میں رہنے کی ہدایت کی گئی ہے جبکہ اسرائیلی وزیراعظم سمیت دیگر اہم رہنماوں نے بھی محفوظ مقامات پر پناہ لے لی ہے۔
اسرائیلی وزیراعظم کا کہنا ہے کہ شہری فوج کی ہدایات پر عمل کریں،شہریوں کو طویل عرصے تک پناہ گاہوں میں رہنا پڑسکتا ہے۔
اس سے قبل اسرائیلی وزیراعظم بن یامین نتن یاہو نے ایران پر حملے کی کامیابی کا دعوی کرتے ہوئے کہا حملوں میں ایران کے جوہری افزدوگی نظام اور نطنزجوہری تنصیبات کو نشانہ بنایا، ایران کے پاس نو ایٹم بم تیار کرنے کیلئے درکار یورینیم موجود ہے۔ یہ آپریشن اتنے دنوں تک جاری رہے گا جتنے دن اس خطرے کو دور کرنے کیلئے لگیں گے۔
ان کا کہنا تھا کہ اسرائیل نے اپنی بقاکی خاطرایرانی خطرےکوختم کرنےکیلئے ٹارگٹڈ ملٹری آپریشن شروع کیا، تہران میں پاسداران انقلاب کے صدر دفتر اور کئی جوہری سائنسدانوں کوبھی نشانہ بنایا، ہم اسرائیل کی تاریخ کے فیصلہ کن موڑ پر ہیں، ہماری لڑائی ایرانی عوام نہیں بلکہ ایرانی آمریت سے ہے۔
