نئی دہلی : ایئر انڈیا کے مالک ہلاک افراد کے لواحقین کیلئے 1،1 کروڑ روپے امداد اور متاثر بی جے میڈیکل کالج کے ہاسٹل کی دوبارہ تعمیر کا اعلان کردیا۔
تفصیلات کے مطابق ایئر انڈیا کے مالک ٹاٹا گروپ نے ہلاک افراد کے لواحقین کیلئے 1،1 کروڑ روپے امداد کا اعلان کردیا۔
ترجمان ایئرلائن نے کہا کہ زخمیوں کے تمام طبی اخراجات ٹاٹاگروپ برداشت کرے گا ، اس کے علاوہ ٹاٹا گروپ حادثے سے متاثر بی جے میڈیکل کالج کے ہاسٹل کی دوبارہ تعمیر کرے گا۔
یاد ہے احمد آباد طیارہ حادثے میں لاشیں نکالنے کا کام تقریباً مکمل ہو چکا ہے ، ڈی این اے کے بعد ہلاکتوں کی تعداد کا اعلان کیا جائے گا۔
بھارتی وزیرداخلہ امت شاہ نے کہا کہ لواحقین کے ڈی این اے نمونے لیے جا رہے ہیں اور لاشوں کے ڈی این اے نمونے بھی اکٹھے کرلیے ہیں، ڈی این اے ٹیسٹ کے بعد لاشیں لواحقین کے حوالے کی جائیں گی۔
گذشتہ روز لندن کے لیے اڑان بھرنے والا ائیرانڈیا کا بوئنگ787 ڈریم لائنر احمدآباد سے اڑان کے چند منٹ بعد ٹکڑے ٹکڑے ہو کر بکھر گیا تھا۔
مزید پڑھیں : بھارتی خاتون نجومی نے ایک ہفتہ قبل طیارہ حادثے کی پیشگوئی کردی تھی‘
طیارے میں سوار تمام 242 مسافروں میں سے 241 ہلاک ہوگئے جبکہ ہاسٹل میں رہائش پذیر متعدد افراد بھی طیارے کی زد میں آ کر موت کے منہ میں چلے گئے، صرف ایک مسافر زندہ بچا۔ ایمرجنسی گیٹ کےساتھ بیٹھا ہوا تھا۔
طیارہ حادثے میں 290 افراد کی ہلاکت کی تصدیق کردی گئی ہے۔
خیال رہے ایوی ایشن ماہر ٹیری ٹوزر کے مطابق حادثے کی بنیادی وجہ ٹیک آف گیئر سے متعلق بھی ہو سکتی ہے تاہم سوال فلائٹ پر فلیپس کی پوزیشن کے گرد گھومتا ہے کیونکہ فلیپس کے بغیر کوئی ہوائی جہاز ٹیک آف نہیں کر سکتا یہاں تحقیقات کرنا ہوں گی۔
ٹیری ٹوزر نے کہا تھا کہ فوٹیج دیکھی ہیں اس میں جہاز کے پروں پر فلیپس نظر نہیں آرہے فلیپس ہوائی جہاز کے پروں پر پیچھے ہٹنے والی سطحیں ہیں جو رفتار کنٹرول کرتی ہیں اگر فلیپس نہ ہوں تو طیارہ محفوظ طریقے سے پرواز نہیں کر سکتا۔
