شوبز انڈسٹری کی معروف اداکارہ کومل میر کا کہنا ہے کہ امیر اور بے وفا شٰخص کا انتخاب کریں گی۔
حالیہ انٹرویو میں اداکارہ کومل میر سے میزبان نے پوچھا کہ پیسہ یا پیار؟ جواب میں اداکارہ نے پیار کے مقابلے میں پیسے کو ترجیح دی۔
میزبان دوسرا سوال کیا کہ وفادار اور غریب بندہ یا امیر اور بے وفا شخص؟
کومل میر نے حیران کن جواب دیتے ہوئے کہا کہ آج کل کوئی وفادار نہیں ہے لہٰذا وہ بے وفا اور امیر شخص کو منتخب کریں گی۔
اداکارہ کے بیان پر سوشل میڈیا پر ملا جلا ردعمل سامنے آرہا ہے، کئی صارفین کا کہنا ہے کہ کومل میر نے ایمانداری سے جواب دیا ہے جسے سراہا جانا چاہیے۔
یہ پڑھیں: کومل میر نے اپنے ’کرش‘ کا نام بتادیا
جبکہ کچھ سوشل میڈیا صارفین کا کہنا ہے کہ جب انہیں امیر آدمی دھوکا دے گا تو یہ انٹرویو دکھائے گا۔
واضح رہے کہ کومل میر نے حال ہی میں اے آر وائی ڈیجیٹل کے ڈرامہ سیریل ’اے دل‘ میں ’ملیحہ‘ کا مرکزی کردار نبھایا تھا جس میں ان کے ساتھ اذان سمیع خان موجود تھے۔
اس سے قبل انٹرویو میں کومل میر نے کہا تھا کہ زین ملک میرے کرش رہے ہیں اپنی اور ان کی تصاویر ساتھ جوڑ کر کولاج بناتی تھی پھر انہیں ڈی ایم بھی کیا تھا۔
ایک مداح نے پوچھا کہ آپ ڈراموں میں تو بہت مرتبہ دلہن بنی ہیں لیکن اپنی شادی پر کس رنگ کا سوٹ پہنیں گی؟
اداکارہ کا کہنا تھا کہ میرے خیال سے سرخ جوڑا ہی پہنوں گی اور ہلکا سا میک اپ کروں گی۔
