ایران نے اسرائیلی جارحیت کے خلاف جاری آپریشن وعدہ صدق سوئم میں میزائلوں کی ایک نئی لہر سے اسرائیل پر حملہ کیا ہے۔
بین الاقوامی میڈیا رپورٹس کے مطابق اتوار کو دن کی روشنی میں ایران نے اسرائیل پر بیلسٹک میزائل داغ دیے جس کے بعد تل ابیب اور دیگر شہروں میں خطرے کے سائرن بج اٹھے۔
ایران کے میزائل حملوں کے بعد اسرائیلی شہرحیفہ، الفولہ، نازریتھ میں دھماکے سنے گئے ہیں جب کہ شمالی علاقوں میں بھی دھماکوں کی آوازیں آئی ہیں۔
حکام نے خطرے کے پیشِ نظر شہریوں کو محفوظ پناہ گاہوں کی جانب جانے کی ہدایت کی ہے۔
دوسری جانب اسرائیلی افواج کا کہنا ہے کہ ایرانی میزائلوں کو کسی ہدف تک پہنچنے سے پہلی ہی فضا میں مارگرایا گیا ہے۔ فوج نے دعویٰ کیا کہ میزائل حملوں کا زمین پر کوئی اثرات نہیں پڑے۔
ایران نے اسرائیل کی جانب سے تہران پر کیے گئے میزائل حملوں کے جواب میں تل ابیب پر میزائل داغے ہیں۔
ایرانی میڈیا کا کہنا ہے کہ تہران میں کشوراسٹریٹ کے قریب رہائشی عمارت پر اسرائیلی حملہ ہوا ہے جس میں خواتین اور بچے زخمی ہوئے ہیں۔
