بھارت کے شہر پونے میں دریا پر بنا پُل گرنے سے 6 افراد ہلاک، 32 زخمی جبکہ 25 افراد کے دریا میں بہہ گئے۔
بھارت میں ایک اور افسوسناک واقعہ پیش آیا ہے پونے میں کنڈ مالا گاؤں کے پل کا ایک حصہ گرگیا جس کے نتیجے میں جانی اور مالی نقصان ہوا ہے۔
حکام نے بتایا کنڈ مالا گاؤں میں پل پر بڑی تعداد میں لوگ پانی کا تیز بہاؤ دیکھنے کے لیے جمع تھے،کمزور پل زیادہ وزن برداشت نہ کرسکا اور درمیانی حصہ ٹوٹ کر دریا میں جا گرا۔
بھارتی حکام کا کہنا ہے کہ حادثے کے مقام پر امدادی سرگرمیاں جاری ہیں، 20 سے 25 افراد پُل کے ملبے تلے دبے ہوئے ہیں جبکہ پانی کے ریلے میں بہنے والے متعدد افراد کو بچالیا گیا ہے۔
یاد رہے کہ گزشتہ روز بھارت میں ایک ہیلی کاپٹر حادثے کا شکار ہوا تھا جس میں 7 افراد ہلاک ہو گئے تھے، حکام نے بتایا کہ یہ ہیلی کاپٹر ہندو یاتریوں کو ایک مقدس مقام سے واپس لا رہا تھا جب وہ ہمالیہ کے پہاڑوں میں گر کر تباہ ہو گیا۔
جبکہ اس سے قبل بھی بھارت ایک المناک واقعہ پیش آیا تھا، جمعرات کے روز احمد آباد کے رہائشی علاقے میں مسافر طیارہ گرگیا تھا، اس افسوسناک واقعے میں 279 افراد ہلاک ہوئے تھے۔
