اسرائیل نے ایران کی پاسداران انقلاب کے سینٹرل ہیڈ کوارٹرز کے اعلیٰ کمانڈر علی شادمانی کو شہید کرنے کا دعویٰ کر دیا۔
قطری نشریاتی ادارے الجزیرہ کی رپورٹ کے مطابق اسرائیلی فوج نے اپنے بیان میں کہا کہ پاسداران انقلاب کے خاتم الانبیاء سینٹرل ہیڈ کوارٹر کے سربراہ علی شادمانی کو دارالحکومت تہران میں ایک حملے میں شہید کر دیا۔
ایران اسرائیل کشیدگی سے متعلق تمام خبریں
اسرائیل نے علی شادمانی کو ایران کا سب سے سینئر فوجی کمانڈر اور ایرانی سپریم لیڈر علی خامنہ ای کا قریب ترین شخص قرار دیا۔
دوسری جانب اسرائیلی دعوے پر ایران کی جانب سے فوری طور پر کوئی تبصرہ نہیں کیا گیا۔
علی شادمانی کو 13 جون کو اسرائیل کی جانب سے خاتم الانبیاء سینٹرل ہیڈ کوارٹر کے سابق سربراہ غلام علی راشد کی شہادت قتل کے بعد اس عہدے پر تعینات کیا گیا تھا۔
پاسداران انقلاب کے انٹیلی جنس چیف جنرل کاظمی شہید
دو روز قبل اسرائیلی وزیر اعظم نیتن یاہو نے دعویٰ کیا تھا کہ پاسداران انقلاب کے انٹیلی جنس چیف جنرل کاظمی کو ان کے نائب حسن محقق سمیت شہید کر دیا گیا۔
دی ٹائمز آف اسرائیل کی رپورٹ میں بتایا گیا کہ نیتن یاہو نے یہ بات نجی امریکی چینل فاکس نیوز کو ایک انٹرویو کے دوران کہی۔
ایک سوال کے جواب میں نیتن یاہو کا کہنا تھا کہ میں آپ کو بتا سکتا ہوں کہ ابھی کچھ دیر پہلے ہماری افواج نے تہران میں پاسداران انقلاب ہیڈ کوارٹرز پر حملہ کر کے ان کے انٹیلی جنس چیف اور ان کے نائب کو مار دیا ہے۔
