اسلام آباد: خزانے پر بوجھ بنے ہوئے بجلی کی بند پیداواری کمپنیوں کے ملازمین کو ایڈجسٹ کرنے کا فیصلہ کیا گیا ہے۔
حکومتی ذرائع کے مطابق بجلی پیداواری کمپنیوں کے 1775 ملازمین کو مختلف ڈسکوز میں ایڈجسٹ کرنے کا فیصلہ کیا گیا ہے، بند پیداواری کمپنیوں کے ملازمین سے سرکاری خزانے پر سالانہ اربوں کا بوجھ پڑ رہا ہے۔
ذرائع کا کہنا ہے کہ جنکوز ملازمین کے ذریعے ڈسکوز میں خالی اسامیاں پُر کی جائیں گی، گڈو اور نندی پور پاور پلانٹ مکمل نان آپریشنل ہے اور نجکاری فہرست میں شامل ہے، جنکوز ملازمین کو ریلیو کرنے کے حوالے سے تمام تیاریاں مکمل کرنے کی احکامات جاری کر دیے گئے ہیں۔
جنکو ون کے 352، ٹو کے 486 اور تھری کے 911 ملازمین کو ایڈجسٹ کرنے کا فیصلہ کیا گیا ہے، جنکو 4 کے 26 ملازمین کو بجلی تقسیم کار کمپنیوں میں تعینات کیا جائے گا، حیسکو میں جنکوز کے 348، سیپکو میں 314 ملازمین کو ایڈجسٹ کیا جائے گا۔
تیل و گیس کی تلاش : پاکستان نے ایک اور بڑی کامیابی مل گئی
میپکو میں 676، لیسکو میں 85، فیسکو میں 185 ملازمین کی ایڈجسٹمنٹ کی جائے گی، گیپکو میں جنکوز کے 50، کیسکو میں 23 ملازمین کو ایڈجسٹ کرنے کی تجویز سامنے آئی ہے، آئیسکو میں 97، پیسکو میں 35، ہیزکو میں 12 ملازمین کی ایڈجسٹمنٹ کا فیصلہ کیا گیا ہے۔
ذرائع کے مطابق جنکوز ملازمین کی جانب سے ڈسکوز میں تعیناتی پر تحفظات کا اظہار کیا گیا ہے، ملازمین کا کہنا ہے کہ جنکوز اسٹاف کو زبردستی کم اسکیل پر ڈسکوز میں تعینات کیا جا رہا ہے۔
