سعودی عرب میں محکمہ ٹریفک نے ٹریفک قوانین کی خلاف ورزیوں پر مختلف شہروں سے 3 ہزار 757 موٹر سائیکلیں ضبط کرلی ہیں۔
سعودی خبر رساں ادارے کی رپورٹ کے مطابق 8 جون 2025 سے 14 جون 2025 تک مختلف شہروں سے موٹر سائیکلوں کو ضبط کیا گیا ہے۔
محکمہ ٹریفک کا اس حوالے سے کہنا ہے کہ سب سے زیادہ موٹر سائیکلیں ریاض ریجن میں ضبط ہوئی ہیں جن کی تعداد 2024 ہے۔ دوسرے نمبر پر جدہ ہے جہاں سے 577 موٹر سائیکلوں کو ضبط کیا گیا ہے۔
محکمہ ٹریفک کے مطابق مدینہ منورہ میں 520، مکہ مکرمہ میں 307، مشرقی ریجن میں 89، طائف میں 45 اور عسیر میں 70 موٹر سائیکلوں کو ضبط کیا گیا۔
محکمہ ٹریفک کا اپنے بیان میں کہنا تھا کہ ٹریفک قوانین کی خلاف ورزی پر موٹر سائیکل ضبط ہوگی اور یہ کسی بھی حال میں ناقابل واپسی ہے۔
موٹر سائیکل چلانے والوں کو سختی کے ساتھ ہدایت کی گئی ہے کہ وہ پریشانی سے بچنے کے لئے ٹریفک قوانین کی پابندی کریں۔
اس سے قبل سعودی عرب میں سٹینڈرڈز اینڈ کوالٹی آرگنائزیشن کی جانب سے 21 کمپنیوں کی گاڑیوں کی مملکت میں درآمد پر عارضی طور پر پابندی عائد کردی گئی۔
جن گاڑیوں پر پابندی عائد کی گئی ہے وہ مملکت کے لئے مخصوص معیار پر پورا نہیں اترتیں جس کی وجہ سے ان کی درآمد پر عارضی پابندی عائد کی گئی ہے۔
اتھارٹی کے مطابق سٹینڈرڈز اینڈ کوالٹی آرگنائزیشن کی جانب پورٹ اتھارٹی کو تحریری طور پر مطلع کیا گیا ہے کہ جن کمپنیوں کی گاڑیوں پرعارضی پابندی عائد کی گئی ہے ان میں جو نقص پایا گیا ہے وہ سعودی فیول اسٹینڈرز کے مطابق نہیں ہے۔
سعودی عرب: سنگین جرم میں تین غیر ملکیوں کو سزائے موت
کوالٹی آرگنائزیشن کا کہنا ہے کہ 21 کمپنیوں کی کم وزن کی گاڑیاں جو 3.5 ٹن تک ہیں ان پر پابندی عائد کی گئی ہے۔
