چین کے وسطی صوبے ہونان میں آتش بازی کی فیکٹری میں ہونے والے ہولناک دھماکے میں 9 افراد لقمہ اجل بن گئے۔
بین الاقوامی خبر رساں ادارے کی رپورٹ کے مطابق چانگدے کے قریب آتش بازی کی فیکٹری میں ہونے والے دھماکے میں 26 افراد کے زخمی جبکہ 2 افراد لاپتہ ہونے کی اطلاعات ہیں۔
چینی میڈیا کا کہنا ہے کہ صوبے ہونان کے شہر چانگڈے میں فیکٹری میں دھماکا گزشتہ روز ہوا تھا۔ ریسکیو ٹیمیں امدادی کام جاری رکھے ہوئے ہیں۔
سرکاری نشریاتی ادارے کا اس حوالے سے کہنا ہے کہ متاثرہ فیکٹری پہاڑی علاقے میں واقع ہے، جہاں پانی کا بڑا ذریعہ موجود نہیں، جس سے آگ بجھانے میں دشواری پیش آ رہی ہے۔
اس سے قبل ٹوکیو کے علاقے ایڈوگاوا وارڈ کے ہگاشی کاسائی علاقے میں ایک تعمیراتی مقام پر ہونے والے زوردار دھماکے میں 10 افراد زخمی ہوگئے تھے۔
ٹوکیو میں دھماکا صبح کے وقت ہوا تھا جس کے باعث ایک تعمیراتی گاڑی میں آگ لگ گئی تھی، خدشہ ظاہر کیا جارہا ہے کہ دھماکا زیرِ زمین گیس پائپ لائن کو نقصان پہنچنے کے باعث ہوا تھا۔
رپورٹس کے مطابق دھماکے کی زد میں آ کر زخمی ہونے والے افراد میں مزدور اور قریبی رہائشی شامل ہیں جن کی عمریں 20 سے 70 سال کے درمیان بتائی جارہی ہیں، تمام زخمیوں کی حالت خطرے سے باہر ہے۔
یوکرین کے دارالحکومت کیف پر روس کا حملہ، متعدد ہلاکتیں
حکام کا کہنا تھا کہ دھماکے سے قریبی عمارتوں کے شیشے اور شٹرز کو نقصان پہنچا اور علاقے میں سیاہ دھوئیں کے بادل چھا گئے تھے۔
