کوہاٹ: ایف آئی اے نے کوہاٹ میں کارروائی کرتے ہوئے 2025 میں ہونیوالے لیبیا کشتی حادثے میں ملوث بدنام زمانہ ملزم کو گرفتار کرلیا۔
تفصیلات کے مطابق ایف آئی اےکوہاٹ نے کارروائی کرتے ہوئے لیبیا کشتی حادثے میں ملوث بدنام زمانہ ملزم ریاض حسین کو گرفتار کرلیا گیا، ملزم کا تعلق کرم سے ہے۔
ترجمان ایف آئی اے کا کہنا ہے کہ ملزم کو اسپیشل کورٹ امیگریشن سینٹرل سے ضمانت قبل از گرفتاری منسوخی پر گرفتار کیا گیا، ملزم نے شہری کو یورپ ملازمت پر بھجوانے کے 36 لاکھ روپے بٹورے تھے۔
ترجمان کا کہنا ہے کہ ملزم نے شہری کو لیبیا بھجوایا وہاں سے غیرقانونی کشتی میں یورپ بھیجنےکی کوشش کی، دوران سفر کشتی کو حادثہ پیش آیا اور شہری کی موت ہوئی، ملزم کے 5 بینک اکاؤنٹ فریز کرائےگئے جس میں 60 لاکھ روپے موجود ہیں۔
لیبیا کشتی حادثے میں ملوث بین الاقوامی گینگ کے 2 کارندے گرفتار
