مشہور امریکی شیف اور ٹیلی ویژن شخصیت 55 سالہ این برل اپنے اپارٹمنٹ میں مردہ پائی گئیں۔
نیویارک پولیس کے مطابق امریکا کی فوڈ نیٹ ورک اسٹار 55 سالہ این برل 17 جون کی صبح اپنے بروکلین اپارٹمنٹ میں مردہ پائی گئیں تاہم موت کی وجہ کی تصدیق ہونا ابھی باقی ہے۔
دوسری جانب امریکی شیف کے اہل خانہ نے بھی ان کی موت کی تصدیق کردی ہے، فیملی کی جانب سے جاری کردہ بیان میں بریل کو ایک "پیاری بیوی، بہن، بیٹی، سوتیلی ماں اور دوست” کے طور پر یاد کیا گیا ہے۔
دوسری جانب سیف این برل کو دنیا بھر سے خراج تحسین پیش کیا جارہا ہے، دنیا کی فوڈ نیٹ ورک نے ان کی موت کو ایک "بڑے نقصان” کے طور پر بیان کیا ہے۔
View this post on Instagram
بیان میں کہا گیا ہے کہ این ایک قابل ذکر شخصیت تھیں اور ان میں لذید کھانا پکانے کا ہنر تھا وہ ہمیشہ اپنی زندگی میں کھانے کی اہمیت اور خوشی کو بانٹتی تھی۔
واضح رہے کہ این برل نے اپنے ٹی وی کیریئر کا آغاز 2005 میں آئرن شیف کے ساتھ کیا اور وہ دیکھتے ہی دیکھتے لاکھوں لوگوں کے دلوں میں گھر کر گئیں۔
ٹی وی طویل عرصے سے چلنے والی سیریز میں 28 سیزن اور تقریباً 200 اقساط شامل ہیں، جن میں مشہور شخصیات نے بھی شرکت کی تھی۔
