لاہور : صوبائی دارلحکومت لاہور میں بینک سے رقم نکلوا کر آنے والے شہری کو مزاحمت پر قتل کردیا گیا۔

تفصیلات کے مطابق لاہور کے علاقےراوی روڈ میں ڈاکووں نے بینک سے رقم نکلوا کر آنے والے شہری کو مزاحمت پرفائرنگ سے قتل کردیا۔

پولیس نے بتایا کہ پچاس سالہ افتخار نجی بینک سے 16 لاکھ کی رقم لے کر نکلا تھا کہ ڈاکووں نے راوی روڈ بینک کے باہر فائرنگ سےشہری کو زخمی کردیا، زخمی کو میواسپتال شفٹ کیا گیا لیکن وہ جاںبر نہ ہوسکا۔

افتخار قریبی دکان پر کاروبار کرتا تھا، کیش لے کر دکان جارہا تھا اور رقم چھیننے کے دوران مزاحمت پر ملزم نے فائرنگ کردی۔

مزید پڑھیں : لاہور میں باپ بیٹے کو گولیاں مار کر قتل کردیا گیا

پولیس اور فرانزک ٹیموں نےجائے وقوعہ سےشواہد اکٹھا کر کے لاش کو مردہ خانے منتقل کردیا۔

ڈی آئی جی آپریشنز فیصل کامران نے نوٹس لیتے ہوئے ایس پی سٹی بلال احمد کی سربراہی میں سپیشل ٹیم تشکیل دےدی ہے۔

ڈی آئی جی آپریشنز نے متعلقہ افسران کو ملزمان کی جلد ازجلد گرفتاری کا حکم دیا۔