لاہور: سی سی ڈی شیخوپورہ نے انٹیلی جنس بیسڈ کارروائی کرتے ہوئے قتل، اقدام قتل میں مطلوب 3 اشتہاری کو گرفتار کرلیا۔
تفصیلات کے مطابق سی سی ڈی ی جرائم پیشہ افراد کیخلاف کارروائیاں جاری ہیں، شیخوپورہ سی سی ڈی نے رحیم یارخان میں انٹیلی جنس بیسڈ کارروائی کرتے ہوئے قتل، اقدام قتل میں مطلوب 3 اشتہاری کو گرفتار کرلیا۔
سی ٹی ڈی ترجمان کا کہنا ہے کہ واردات کے بعد ملزمان روپوش ہوگئے تھے جنہیں اب گرفتار کرلیا گیا ہے۔
اس سے قبل شاہدرہ ٹاؤن کی پولیس ٹیم نے قتل ،اقدام قتل کے مقدمات میں مطلوب 3 اشتہاری مجرمان کو کوہاٹ اور پنڈ دادن خان ضلع جہلم سے گرفتار کیا تھا۔
ایک اشتہاری مجرم نے 2023 میں نجی کمپنی کے سیکیورٹی گارڈ کو فائرنگ کر کے قتل جبکہ دوملزمان نے اپنی بھابیوں کو فائرنگ کرکے زخمی کیا تھا۔
سی سی ڈی فیصل آباد نے 4 سال سے قتل کے مقدمہ میں روپوش ملزم محسن علی کو گرفتار کیا۔ ملزم نے 2021 میں دیگر ساتھیوں کیساتھ مل کر غلام نصیر نامی شہری کو 52 فائر مار کر بے دردی سے قتل کیا تھا۔
