لبنان کی مزاحمتی تنظیم حزب اللہ نے ایرانی سپریم لیڈر آیت اللہ خامنہ ای کے قتل کی دھمکی پر اسرائیل اور امریکا کیلیے اہم پیغام جاری کر دیا۔
ٹائمز آف اسرائیل کی رپورٹ کے مطابق حزب اللہ نے ایران اور سپریم لیڈر آیت اللہ خامنہ ای کے ساتھ مکمل حمایت کا اظہار کرتے ہوئے اسرائیل اور امریکا کی دھمکی پر ردعمل دیا۔
ایران اسرائیل کشیدگی سے متعلق تمام خبریں
حزب اللہ نے کاہ کہ آیت اللہ خامنہ ای کو قتل کرنے کی دھمکیاں احمقانہ اور لاپرواہی ہیں اور اس کے تباہ کن نتائج ہوں گے، دشمن کا یہ کہنا کہ کروڑوں مسلمانوں اور اسلام سے جڑے لوگوں کیلیے ایک جرم ہے یہ سراسر قابل مذمت ہے، آج ہم ان کے اردگرد زیادہ پرعزم اور متحد ہیں۔
یہ بھی پڑھیں: ایرانی سپریم لیڈر کو قتل کرنے کا اسرائیلی منصوبہ سامنے آگیا
اسرائیل کے ایران پر پہلے حملے کے بعد حزب اللہ نے اس کی سخت الفاظ میں مذمت کی تھی تاہم جنگ میں براہ راست شامل ہونے کا اشارہ نہیں دیا تھا۔
گزشتہ روز امریکی صدر ڈونلڈ ٹرمپ نے ایران کو دھمکی دیتے ہوئے کہا تھا کہ ایرانی سپریم لیڈر آیت اللہ خامنہ ای آسان ہدف ہیں، ہمیں معلوم ہے وہ کہاں چھپے ہیں۔
ڈونلڈ ٹرمپ نے کہا تھا کہ ہمارا صبر جواب دے رہا ہے، ایرانی سپریم لیڈر کو کم از کم ابھی نہیں مارنا چاہتے وہ فی الحال محفوظ ہیں، ایرانی میزائل شہریوں اور امریکی فوجیوں پر نہ گریں۔
دوسری جانب امریکی حکام کا کہنا تھا کہ امریکی فوج نے جنگی طیاروں کو مشرقی وسطیٰ میں منتقل کرنا شروع کر دیا ہے، اسرائیلی دفاع مضبوط بنانے کیلیے جنگی طیاروں کی منتقلی بڑھا رہے ہیں۔
