پاکستان کی ٹی 20 ٹیم کے سابق کپتان شاہین آفریدی کو بگ بیش لیگ (بی بی ایل) کی معروف فرنچائز برسبین ہیٹ نے اپنے اسکواڈ کا حصہ بنالیا۔
رپورٹس کے مطابق شاہین آفریدی کو بگ بیش لیگ (بی بی ایل) کی فرنچائز برسبین ہیٹ نے پلاٹینم کیٹیگری کے لئے منتخب کرلیا ہے۔
بگ بیش لیگ (بی بی ایل) کے انٹرنیشنل پلئیرز کا ڈرافٹ کا عمل جاری ہے، جس میں صائم ایوب، حسن علی، ابرار احمد جیسے اسٹار کرکٹرز نے اپنے ناموں کی رجسٹریشن کروا رکھی ہے۔
پاکستان کے 74 کھلاڑیوں نے بگ بیش لیگ کے ڈرافٹ کیلئے رجسٹریشن کروائی ہے۔
دوسری جانب پاکستانی ٹیم کے سابق کپتان اور عالمی شہرت یافتہ بلے باز بابر اعظم کی بگ بیش لیگ کی ٹیم سڈنی سکسرز سے معاہدے کی تفصیلات منظرعام پر آگئیں۔
ذرائع کا کہنا ہے کہ سڈنی بابراعظم کو سکسرز نے بیس پرائز سے زیادہ معاوضے کی پیشکش کرکے پری سائن کیا ہے جس کیلئے سڈنی سکسرز بابر کو تقریباً 10 کروڑ روپے معاوضہ ادا کرے گی۔
ذرائع کے مطابق بابر کو سڈنی سکسرز نے پلاٹینیم کیٹیگری میں پک کیا ہے، سڈنی سکسرز کی پلاٹینم کیٹیگری کی بیس پرائز تقریباً پونے8 کروڑ روپے ہے۔
مشفیق الرحیم نے یونس خان کا ریکارڈ توڑ دیا
ذرائع کا کہنا ہے کہ اس معاہدے کے ساتھ بابر بی بی ایل کی تاریخ کے مہنگے ترین کھلاڑیوں کی صف میں کھڑے ہوجائیں گے۔
واضح رہے کہ بگ بیش لیگ 14 دسمبر سے آسٹریلیا میں شروع ہوگی جس میں قومی ٹیم کے سابق کپتان پہلی بار شرکت کررہے ہیں۔
