واشنگٹن: وائٹ ہاؤس ترجمان نے کہا ہے کہ امریکی صدر ڈونلڈ ٹرمپ ایران اسرائیل جنگ میں شامل ہونے سے متعلق فیصلہ آئندہ 2 ہفتے میں کریں گے۔
اے آر وائی نیوز کے مطابق ترجمان وائٹ ہاؤس کیرولین لیویٹ نے پریس بریفنگ کے دوران بتایا کہ امریکی میڈیا میں ایران جنگ میں شامل ہونے سے متعلق خبریں آرہی ہیں، ٹرمپ نے امریکی میڈیا پر چلنے والی خبروں سے متعلق پیغام دیا ہے، ایران پر حملے سے متعلق امریکی صدر ٹرمپ 2 ہفتے میں فیصلہ کریں گے۔
iran israel تمام خبریں
ترجمان وائٹ ہاؤس نے بتایا کہ ٹرمپ نے کہا کہ میرے خیال میں مذاکرات کو موقع دینے کیلئے 2 ہفتے کا وقت کافی ہے، ٹرمپ نے پوزیشن واضح کی ہے کہ ایران کے جوہری ہتھیار نہیں چاہتے۔
کیرولین لیویٹ کا کہنا تھا کہ امریکی صدر ٹرمپ کے جنگ سے متعلق فیصلے پر کسی کو حیرانی نہیں ہونی چاہیے، امریکی صدر مسائل کے حل کی کوشش سفارتکاری سے کرتے ہیں۔
ٹرمپ نے ایران پر حملے کے منصوبے کو منظور کرنے کی خبر مسترد کر دی
وائٹ ہاؤس ترجمان نے کہا کہ ایران کےساتھ ممکنہ مذاکرات کی بنیاد پر فیصلہ کیا جائےگا، جنگ میں شامل ہونا ہے یا نہیں جلد فیصلہ کرلیا جائےگا، اسرائیل ایران کشیدگی پر امریکی حکمت عملی زیرغور ہے۔
کیرولین لیویٹ نے مزید کہا کہ ایران سے مذاکرات کا امکان ہے اور فیصلہ اس کی ہی بنیاد پر ہوگا، ٹرمپ حکومت اسرائیل کی حمایت جاری رکھے گی۔
’اسرائیلی حملے کے بعد امریکا اور ایران کی کئی بار براہ راست بات چیت ہوئی‘
