کراچی : ایف پی سی سی آئی نے ایف بی آر کے خلاف طبل جنگ بجا دیا اور کہا چیئرمین ایف بی آر بزنس کمیونٹی کو چور کہنے پر معذرت کریں۔
تفصیلات کے مطابق ایف پی سی سی آئی میں پوسٹ بجٹ پریس کانفرنس میں ایف پی سی سی آئی کے سینئر نائب ثاقب فیاض نے کہا کہ بجٹ میں کوئی پالیسی پیش نہیں کی گئی ایف بی آر کو کسی بھی صنعتکار کی گرفتاری کے اختیارات دے دئیے گئے اس سے صرف کرپشن بڑھے گی۔
آصف سخی نے چیئرمین ایف بی آر کی جانب سے بزنس کمیونٹی کو بار بار چور کہنے پر معافی کا مطالبہ کردیا اور خبردار کیا اگر بجٹ اضافی اختیارات کے ساتھ منظور ہوا تو فیکٹریاں بند کردیں گے۔
نائب صدرامان پراچہ نے کہا کہ پچھلے سال کا ٹیکس ٹارگٹ پورا نہ ہونے پر کوئی انکوائری نہیں ہوئی، ذمہ دار کون ہے، انکوائری کرائی جائے۔
ناصر خان ن کا کہنا تھا کہ ایف بی آر اہلکار بھتہ خوری میں ملوث ہیں، ایف بی آر کے افسران کو اختیارات ملنے سے ہراسمنٹ بڑھے گی۔
رہنماوں کا کہنا تھا کہ ایف بی آر کے اضافی اختیارات کو عدالت میں چیلنج کریں گے۔
