اسلام آباد : پاکستان ٹیلی کمیونیکیشن اتھارٹی نے موبائل صارفین کو 2 جی بی مفت انٹرنیٹ اور 200 آن نیٹ منٹس حاصل کرنے طریقہ بتادیا۔
تفصیلات کے مطابق پاکستان نے ڈیجیٹل ترقی میں ایک اور اہم سنگِ میل عبور کر لیا اور ملک میں موبائل اور براڈ بینڈ صارفین کی تعداد بیس کروڑ تک جا پہنچی ہے۔
اس تاریخ موقع پر پاکستان ٹیلی کمیونیکیشن نے صارفین کے لیے بڑی پیشکش اور خصوصی ڈیجیٹل سہولیات کا اعلان کیا ہے۔
پی ٹی اے کا کہنا تھا کہ تمام صارفین کو دو جی بی مفت انٹرنیٹ اور دو سوآن نیٹ منٹس ملیں گے اور سروس چوبیس گھنٹوں کے لیے مؤثر ہوگی۔
مفت انٹرنیٹ اور آن نیٹ منٹس حاصل کرنے کا طریقہ کار
پاکستان ٹیلی کمیونیکیشن اتھارٹی کا کہنا تھا کہ اس سروس کو حاصل کرنے کے لیے صارفین کو کسی بھی نیٹ ورک سے#2200* ڈائل کرنا ہوگا۔
تازہ ترین اعداد و شمار کے مطابق پاکستان میں موبائل فون صارفین کی تعداد 197.7 ملین تک جا پہنچی ہے، جو ملک کی 80 فیصد آبادی پر محیط ہے۔ براڈبینڈ صارفین کی تعداد 150 ملین اور فکسڈ لائن فون استعمال کرنے والے صارفین 3.75 ملین ہیں۔
