ایران نے اسرائیل پر ایک اور بڑا حملہ کردیا، تل ابیب پر متعدد میزائل داغ دیئے، میزائلوں نے اپنے اہداف کو کامیابی سے نشانہ بنایا۔
الجزیرہ کی رپورٹ کے مطابق ایران نے اسرائیل پر ایک بار پھر میزائلوں سے حملہ کردیا، تل ابیب میں مسلسل سائرن بجنے لگے۔
شدید دھماکوں اور تباہی سے شہریوں میں خوف و ہراس پھیل گیا، حکومت کی جانب سے عوام کو بنکرز میں جانے کی ہدایت سے دی گئی۔
اسرائیلی دفاعی نظام آئرن ڈوم بھی ناکام ہوگیا، ایرانی میزائلوں کو روکنے کی کوششیں کام نہ آسکیں، تل ابیب میں دھماکوں کی مسلسل آوازیں سنائی دے رہی ہیں۔
الجزیرہ میں شائع ہونے والے قدس نیوز نیٹ ورک کی ایکس ویڈیو میں دیکھا جاسکتا ہے کہ ایرانی میزائل حملے کے بعد تل ابیب کے قریب واقع مقبوضہ فلسطینی شہر ہولون میں شدید آگ بھڑک اُٹھی ہے۔ اسرائیلی قابض ریسکیو ٹیمیں آگ پر قابو پانے کی کوشش کر رہی ہیں۔
اس سے قبل ایران نے گزشتہ 24گھنٹوں کے دوران اسرائیل پر دوسرا بڑا حملہ کیا تھا اور اسرائیل کے مختلف شہروں پر 39 میزائل داغے تھے۔
حیفہ اور مقبوضۃ بیت المقدس میں میزائل گرنے کی تصدیق کی گئی تھی، غیر ملکی میڈیا کے مطابق حیفہ پر میزائل حملے میں 2 افراد زخمی ہوئے، جن میں سے ایک کی حالت تشویشناک بتائی جارہی ہے۔
گزشتہ روز ایران نے اسرائیل کے شہر بیر سبع پر بھی میزائل حملہ کیا تھا جس میں 18 صہیونی زخمی ہوئے تھے جبکہ صہیونی ٹیکنالوجی سینٹر سمیت متعدد عمارتیں تباہ ہوگئی تھیں۔
Breaking | Israeli occupation rescue teams attempt to contain the fire caused by the Iranian missile the struck occupied Holon in central occupied Palestine. pic.twitter.com/QV24mMBoCw
— Quds News Network (@QudsNen) June 21, 2025
ایرانی میڈیا کے مطابق اسرائیلی جارحیت نے ایران کو مجبور کردیا ہے کہ وہ اپنی قوم اور ملک کے دفاع میں یہ حملے جاری رکھے اور صیہونی مجرموں پر کاری ضرب لگائے۔
خبر رساں اداروں کے مطابق تازہ حملوں سے اسرائیل میں نقصان کی فوری طور پر تفصیلات سامنے نہیں آسکیں۔
اس سے پہلے ایران نے اسرائیل کا ایک اور ایف 35 مار گرانے کا بھی دعویٰ کیا تھا، ایرانی میڈیا کے مطابق اب تک مار گرائے گئے ایف 35کی تعداد چار ہوگئی ہے۔
دوسری جانب اسرائیل کے بھی ایران پر حملے جاری ہیں، تہران اور اہواز شہر میں کئی دھماکے سنے گئے۔
