کراچی میں ماہِ جون کے آغاز سے اب تک زلزلے کے 45 جھٹکے محسوس ہو چکے ہیں۔ ماہرین کا کہنا ہے کہ یہ صرف قدرتی عوامل نہیں بلکہ انسانی سرگرمیوں کا نتیجہ بھی ہیں۔ ان زلزلوں کے حوالے سے اس ویڈیو رپورٹ میں مزید جانتے ہیں۔
ماہر ارضیات عدنان خان کا کہنا ہے کہ زیرِ زمین پانی کے بے تحاشا استعمال سے قدرتی توازن بگڑ رہا ہے۔ جس سے زمین کی اندرونی ساخت کم زور ہو رہی ہے اور زلزلے آنے لگے ہیں۔
سربراہ سونامی وارننگ سیل امیر حیدر کہتے ہیں لانڈھی فالٹ لائن کے صحیح ہونے سے زیرِ زمین جمع ہونے والی گیس آہستہ آہستہ خارج ہو رہی ہے، جس سے چھوٹے زلزلے آ رہے ہیں۔
تعلیمی بجٹ کے لیے مختص رقم استعمال نہ ہونے پر واپس خزانے میں چلا جاتا ہے، ویڈیو رپورٹ
ماہرین ارضیات کے مطابق زمین کی غیر معمولی حرکت کو صرف قدرتی عمل نہیں مان سکتے۔ شہر میں گزشتہ 19 دنوں کے دوران کراچی میں 45 زلزلے ریکارڈ ہوئے ہیں۔ جن میں کم سے کم 1.5 جب کہ زیادہ سے زیادہ 3.6 شدت ریکارڈ ہوئی ہے۔
