امریکا کے ایران پر حملے کے بعد مذہبی پیشوا پوپ لیو کا ردعمل بھی سامنے آگیا ہے، انھوں نے زور دیا کہ دنیا غزہ کے مصائب کو فراموش نہ کرے۔
پوپ لیو نے دعائیہ تقریب سے خطاب کرتے ہوئے کہا کہ جنگیں مسائل کا حل نہیں ہیں، ایران امریکا اسرائیل جنگ کے دوران دنیا غزہ کے مصائب کو فراموش نہ کرے، اس صورتحال میں غزہ، دیگر خطوں کو فراموش کیا جارہا ہے۔
خطاب میں پوپ لیو نے وسیع جنگ کے خطرے سے بھی خبردار کیا، انھوں نے کہا کہ غزہ میں روزانہ سیکڑوں افراد جاں بحق، زخمی ہورہے ہیں۔
ایرانی جوہری تنصیبات پر حملے کے بعد امریکا بےنقاب ہوگیا، صدر مسعود پزشکیان
انھوں نے کہا کہ قوموں کو اپنے مستقبل کو امن کی کوششوں سےترتیب دینےدیں، تشدد اور خونی تنازعات سے قوموں کے مستقبل کوترتیب نہ دیں۔
پوپ لیو نے کہا کہ عالمی برادری کی ذمہ داری ہے کہ جنگ کو روکیں، ایسا نہ ہو کہ جنگ ایسی جگہ پہنچ جائیں جہاں سے واپسی مشکل ہو۔
