کراچی : رینجرز اور پولیس نے سعودآباد میں مشترکہ کارروائی کرتے ہوئے ایم کیو ایم لندن کے دو مطلوب ملزمان کو گرفتار کرلیا۔
تفصیلات کے مطابق کراچی میں رینجرز اور پولیس نے سعودآباد میں کارروائی کرتے ہوئے 2 مطلوب ملزمان کو گرفتار کرلیا۔
ترجمان سندھ رینجرز نے بتایا کہملزم شہاب اور منصور عالم کا تعلق ایم کیوایم لندن سے ہے اور ملزمان منشیات فروشی، ڈکیتی، اسٹریٹ کرائم میں ملوث تھے۔
ترجمان کا کہنا تھا کہ ملزمان سے 2 رکشہ، 2 موبائل فونز اور نقدی برآمد ہوئی ، ملزمان عادی جرائم پیشہ، متعدد بار گرفتار ہو چکےہیں،ترجمان سندھ رینجرز
ملزم نے اعترافی بیان میں کہا کہ منصور عالم 2011 میں سیاسی جماعت میں شامل ہوا، ملزم منصورچندہ، فطرانہ، وال چاکنگ اور بینرز کا کام کرتا رہا جبکہ ملزم شہاب نجی فیکٹری میں کنٹرول انچارج تھا،اسٹریٹ کرائمن میں ملوث رہا۔
مزید پڑھیں : کراچی میں ایم کیو ایم لندن کا انتہائی مطلوب ملزم گرفتار
ترجمان نے کہا کہ ملزمان نے ملیر، لانڈھی، کورنگی، شاہ فیصل کالونی میں وارداتیں کیں جبکہ 3 دودھ کی دکانوں پر ڈکیتی میں بھی ملوث رہے۔
ترجمان کے مطابق ملزمان کا وارداتوں میں 4 لاکھ روپے اور 40 سے 50 موبائل لوٹنے کا بھی انکشاف کیا تاہم گرفتار ملزمان کو قانونی کارروائی کیلئے پولیس کے حوالے کر دیا گیا۔
