کراچی : ٹرانسپورٹرز تنظیموں نے بجٹ میں ودہولڈنگ ٹیکس میں اضافے پر حکومت کوالٹی میٹم دے دیا اور کہا فیصلے کو واپس نہ لینے پر ہڑتال کی دھمکی دے دی۔
تفصیلات کے مطابق کراچی میں ٹرانسپورٹرز تنظیموں نے بجٹ میں ودہولڈنگ ٹیکس میں اضافے پر حکومت کو وارننگ دیتے ہوئے کہا کہ ٹیکس میں اضافے کے فیصلے کو واپس نہ لیا تو ہڑتال کریں گے۔
ٹرانسپورٹرز کا کہنا تھا کہ حکومت سےودہولڈنگ ٹیکس میں کمی سےمتعلق متعدد میٹنگز ہوئی ہیں، 4 فیصدودہولڈنگ ٹیکس دے کر کاروبار جاری رکھنا ممکن نہیں ہوگا۔
تنظیموں نے کہا کہ ٹرانسپورٹرز ملکی جی ڈی پی میں 12.5 فیصداور روزگار میں 6 فیصد شراکت دار ہیں۔
یاد رہے ٹرانسپورٹرز کی جانب سے طلب کیے جانے والے ہنگامی اجلاس میں سروسز سیکٹر میں ود ہولڈنگ ٹیکس شرح بڑھانے پر تشویش کا اظہار کیا گیا تھا۔
گڈ ٹرانسپورٹر کراچی کے اجلاس میں فیصلہ کیا گیا کہ ود ہولڈنگ ٹیکس شرح بڑھانے سے متعلق وفاق سے بات کریں گے۔
