ایرانی ردعمل کے خدشے کے پیش نظر آبنائے ہرمز سے گزرنے والے 3 آئل ٹینکرز نے راستہ تبدیل کرلیا، میرین ٹریفک ڈیٹا نے تصدیق کردی۔
جوہری تنصیبات پر امریکی حملوں کے بعد ایرانی ردعمل کے خدشے پر آئل ٹینکرز راستہ تبدیل کرنے پر مجبور ہوئے، میرین ٹریفک ڈیٹا نے اس حوالے سے بتایا کہ مارشل آئی لینڈز کے پرچم والے ٹینکرز کا فجیرہ کے قریب قیام ہے۔
میرین ٹریفک ڈیٹا نے کہا کہ پاناما کے پرچم والا ٹینکر بھی فجیرہ کے قریب لنگرانداز ہوگیا، برطانیہ کے پرچم والا ٹینکر خلیج عمان میں اومانی حدود کے قریب پہنچ گیا ہے۔
iran israel تمام خبریں
ایران کی جانب سے آبنائے ہرمز کو بند کرنے کی منظوری کے بعد تیل کی ایشائی منڈیو میں ترسیل کے حوالے سے بحرانی صورتحال پیدا ہوسکتی ہے، آبنائے ہرمز سے یومیہ دنیا کی ضرورت کا 20فیصد خام تیل کارگو ہوتا ہے۔
آبنائے ہرمزکی بندش سے تیل کی قیمتوں میں بڑا اضافہ ہونے کا خدشہ ہے، آبنائے ہرمز کی بندش سے دنیا میں توانائی کا بحران پیدا ہوجائے گا۔
عرب میڈیا نے بتایا کہ آبنائے ہرمز سے گزرنے والے خام تیل کا 76فیصد ایشیائی منڈیوں کو جاتا ہے، چین، بھارت، جاپان اور جنوبی کوریا تیل کے اہم خریدار ہیں۔
آبنائے ہرمز، خلیج اومان اور خلیج فارس کے درمیان واقع اہم سمندری گزر گاہ ہے، اس کے شمالی ساحلوں پر ایران اور جنوبی ساحلوں پر متحدہ عرب امارات اور اومان واقع ہیں، یہ گزر گاہ کم از کم 21 میل چوڑی ہے۔
