راولپنڈی : شہید میجرمعیز عباس شاہ کی نماز جنازہ کی ادائیگی میں فیلڈ مارشل عاصم منیر نے شرکت کی، جس کے بعد شہید کا جسد خاکی آبائی علاقے روانہ کر دیا گیا ہے۔
تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا کہ شہید میجرمعیز عباس شاہ کی نماز جنازہ اداکردی گئی۔
آرمی چیف فیلڈمارشل عاصم منیر،وزیرداخلہ اور اعلیٰ فوجی حکام نماز جنازہ میں شریک ہوئے۔
آئی ایس پی آر کا کہنا تھا کہ میجر معیز سرا روغہ میں خوارجیوں سے لڑتے ہوئے شہید ہوئے، شہید کا جسد خاکی پورے فوجی اعزازکیساتھ تدفین کیلئے آبائی علاقے روانہ کر دیا گیا ہے۔
مزید پڑھیں : سیکیورٹی فورسز کا جنوبی وزیرستان میں آپریشن، بھارتی حمایت یافتہ 11فتنہ الخوارج ہلاک
گذشتہ روز سیکیورٹی فورسز نے جنوبی وزیرستان کے علاقے سراروغہ میں انٹیلی جنس بیسڈ آپریشن کے دوران بھارتی حمایت یافتہ گیارہ فتنہ الخوارج کو ہلاک اور سات کو زخمی کردیا تھا۔
آپریشن کے دوران میجرسید معیز عباس شاہ اور لانس نائیک جبران اللہ بہادری سے لڑتے ہوئے شہید ہوئے تھے۔
آئی ایس پی آرکا کہنا تھا میجرسید شہید خوارج کے خلاف کئی کامیاب آپریشنز میں حصہ لےچکے ہیں، ان کا تعلق چکوال اورلانس نائیک جبران کاتعلق بنوں سے تھا۔
