اسلام آباد : اسلام آباد ہائی کورٹ نے محسن نقوی کی بطور چیئرمین پی سی بی تقرری کے خلاف دائر درخواست پر فیصلہ محفوظ کرلیا۔
تفصیلات کے مطابق اسلام آباد ہائی کورٹ میں محسن نقوی کی بطور چیئرمین پی سی بی تقرری کے خلاف دائر درخواست پر سماعت ہوئی۔
وکیل درخواست گزار، وکیل پی سی بی اور ڈپٹی اٹارنی جنرل ارشد کیانی عدالت میں پیش ہوئے۔
وکیل درخواست گزار نے کہا کہ ان کی تقرری نگران وزیراعظم نے کی ، جو غیر قانونی ہے، استدعا ہے ان کی بطور چیئرمین پی سی بی تقرری غیر قانونی قرار دی جائے۔
وکیل پی سی بی کا کہنا تھا کہ محسن نقوی کی تقرری قانون کے مطابق ہوئی ، موجودہ وزیر اعظم نے بھی تقرری پر اعتراض نہیں کیا۔
قائم مقام چیف جسٹس سرفراز ڈوگر نے فریقین کے وکلا کے دلائل سننے کے بعد فیصلہ محفوظ کرلیا۔
