کراچی : خیابان تنظیم میں گھرسے 5 کروڑ چوری کرنے ماسی کے جائیدادوں اور شاہانہ طرز زندگی کے حوالے سے ہوشربا انکشافات سامنے آئے۔
تفصیلات کے مطابق شاہانہ زندگی گزارنے والی کروڑ پتی ماسی منظر عام آگئی ، خیابان تنظیم میں گھرسے 5 کروڑ چوری کرنے ملزمہ کے ہوشربا انکشافات سامنے آئے۔
پولیس حکام نے بتایا کہ گرفتار کروڑ پتی ماسی کی جائیدادیں سامنے آگئیں، ملزمہ 5 گاڑیوں، 3 موٹر سائیکلوں، 3 فلیٹس اور دکان کی مالک نکلی جبکہ ملزمہ کےبینک اکانٹس میں بھی تقریباً 40 لاکھ موجود ہے۔
حکام کا کہنا تھا کہ گرفتارملازمہ کا رکھا گیا ملازم بھی گرفتار کرلیا گیا ہے، شہناز ماسی حیرت انگیز طورپر شاہانہ طرز زندگی گزار رہی تھی اور بنگلے میں کام کے بعدمال میں شاپنگ ،کیفے میں شامیں گزارتی تھی۔
پولیس نے کہا کہ ملزمہ15 سال کے دوران 5 کروڑ سے زائد بنگلے کے مخصوص کمرے سے نکالتی رہی اور چوری کے پیسوں سے گاڑیاں، فلیٹس، دکان اور موٹر سائیکلیں خریدیں۔
ایس آئی یوکلفٹن نے بتایا کہ ملزمہ خریدی گئی گاڑیاں کرائے پرچلواکرماہانہ لاکھوں کما رہی تھی جبکہ زیر استعمال فلیٹس کے علاوہ دیگر 2 فلیٹس بھی کرایہ پر دیے گئے تھے۔
تفتیشی حکام کا کہنا تھا کہ ملزمہ ملازمت کے بعد 65 لاکھ کی گاڑی میں سیر سپاٹے کرتی تھی، شہناز نامی گرفتارملزمہ برانڈڈ کپڑوں کا شوق بھی پورا کرتی رہی ۔
ماسی نے حماد نامی شخص کو بطور ملازم اپنے پاس رکھا ہوا تھا، حماد ملزمہ کے ڈرائیور کے طور پر بھی خدمات انجام دیتا رہا۔
گرفتار ماسی کی گاڑیوں ،فلیٹس کی قیمت کروڑوں روپےہے، ملزمہ نے اپنے بیٹے اور ساتھی ملزم آصف کو دکان بھی کھول کر دی۔
چوری کیے گئے رقم میں سے 6 لاکھ ملزمہ کے گھر سے برآمد کیے گئے ہیں اور گرفتارملزمہ ساتھیوں کی تلاش کا جاری ہے جبکہ ملزمہ کےآبائی علاقے میں جائیدادوں کی تفصیلات بھی حاصل کی جارہی ہیں۔
