مکہ مکرمہ: نئے اسلامی سال کے آغاز کے ساتھ ہی غلاف کعبہ کو تبدیل کردیا گیا، اس موقع پر حرم شریف میں رقت آمیزمناظر اور دعاؤں سے فضائیں گونج اٹھیں۔
تفصیلات کے مطابق مکہ مکرمہ میں غلاف کعبہ کی تبدیلی کاعمل مکمل ہوگیا، سیکڑوں کارکنان نے کئی گھنٹے مسلسل کام کرکےغلاف کعبہ کوتبدیل کیا۔
غلاف کعبہ کی تبدیلی کا عمل نماز عشا کے بعد شروع ہوا،جو نماز فجرمیں مکمل کرلیا گیا.
اس دوران مسجد الحرام کے صحن میں ہزاروں زائرین طواف میں مصروف رہے اور حرم شریف میں رقت آمیزمناظرد عاؤں سے فضائیں گونج اٹھیں۔
The changing of the Kiswa at Masjid Al Haram pic.twitter.com/q2SA5C6CwG
— (@HaramainInfo) June 25, 2025
غلاف کعبہ کی منتقلی کیلئے خصوصی ٹریلر اور سیکیورٹی کے انتظامات کیے گئے ہیں، کسوہ کی تیاری کیلئے مخصوص پانی اور اعلیٰ معیار کا خام ریشم استعمال ہوا ہے۔
The Kiswah change at Masjid Al Haram pic.twitter.com/v3HOyCrAAB
— (@HaramainInfo) June 25, 2025
کسوہ کی تیاری میں 24قیراط سونا، چاندی کےدھاگےسےکشیدہ کاری کی جاتی ہے اور قرآنی آیات کو انتہائی نفاست اور انجینئرنگ کے اصولوں کےتحت کپڑے پر چھاپا گیا ہے۔
اتارے گئے غلاف کعبہ سے سونے کے حصے الگ کر کے محفوظ کیے جاتے ہیں۔
غلاف کعبہ میں شامل ہر آیت کی کشیدہ کاری انتہائی باریکی سے کی جاتی ہے اور تیاری میں سادہ اورنقش داردونوں اقسام کی بُنائی ہوتی ہے، سال بھرکی محنت کے نتیجے میں خانہ کعبہ کا غلاف تیار ہوتا ہے۔
