لاہور : پی ڈی ایم اے نے طوفانی بارشوں میں کا الرٹ جاری کردیا ، جس میں ہنگامی صورتحال سے نمٹنے کیلئے متعلقہ محکموں کو الرٹ رہنے کا حکم دیا ہے۔
تفصیلات کے مطابق پنجاب کے مختلف اضلاع میں بارش کے بعد پی ڈی ایم اے نے الرٹ جاری کردیا۔
فیصل آباد، راولپنڈی سمیت کئی اضلاع میں بارش کا سلسلہ جاری ہے ، جس کے پیش نظر ڈی جی نے تمام ڈپٹی کمشنرزکوالرٹ رہنے کی ہدایت کی ہے۔
ڈی جی نے کہا کہ متعلقہ محکمے ہنگامی صورتحال سےنمٹنےکیلئے الرٹ رہیں، تمام اضلاع کے ایمرجنسی آپریشن سینٹرز کو الرٹ کر دیا گیا۔
پی ڈی ایم اے کنٹرول روم میں 24/7 مانیٹرنگ جاری ہے، ریسکیو 1122 و دیگر ادارے مشینری و عملے سمیت تیار رہیں اور نشیبی علاقوں سے فوری نکاسی آب یقینی بنائی جائے۔
الرٹ میں کہا ہے کہ مون سون بارشوں کا اسپیل 1 جولائی تک جاری رہنے کی پیشگوئی کرتے ہوئے کہا کہ شہری بجلی کے کھمبوں اور لٹکتی تاروں سے دور رہیں۔
موسم سے متعلق خبریں
دوسری جانب چیف سیکرٹری پنجاب نے متعلقہ محکموں کو الرٹ رہنے کا حکم دہتے ہوئے کہا اربن فلڈنگ کے خطرےسےنمٹنے کیلئے تمام انتظامات مکمل رکھے جائیں ، ڈرینز اور سیوریج لائنز کی باقاعدگی سے صفائی ضروری ہے۔
چیف سیکرٹری نے ہدایت کی نشیبی علاقوں سے نکاسی آب کیلئے خصوصی اقدامات کئے جائیں، مشینری اور ڈی واٹرنگ پمپس کو مکمل فعال رکھا جائے۔
