آسٹریلیا کرکٹر ٹیم کے اوپنر عثمان خواجہ نے اپنی اصول پسندی کو برقرار رکھتے ہوئے صحافی پیٹر لالر سے یک جہتی کے لیے انٹرویو دینے سے انکار کر دیا۔
آسٹریلوی میڈیا کے مطابق عثمان خواجہ نے صحافی پیٹر لالور کی برطرفی کیخلاف احتجاج کے طور انٹرویو دینے سے انکار کیا، جنہیں غزہ میں اسرئیلی جارحیت کے خلاف آواز اٹھانے پر نوکری سے نکال دیا گیا تھا۔
Usman Khawaja has refused a radio interview with Craig Hutchison’s SEN, following his sacking of journalist Peter Lalor in February.
MORE: https://t.co/Shj2VlGp0Y#9WWOS #Cricket pic.twitter.com/30l8Ii2XhH
— Wide World of Sports (@wwos) June 26, 2025
سوشل میڈیا پر آسٹریلوی بیٹر کی ویڈیو وائرل ہورہی ہے جس میں انہوں نے سین مائیک دیکھتے ہی ہاتھ کے اشارے سے انکار کیا اور خاموشی سے وہاں سے چلے گئے۔
یاد رہے کہ آسٹریلوی ریڈیو نے غزہ کے حق میں بولنے کی وجہ سے معروف کرکٹ جرنلسٹ پیٹر لالور کو نوکری سے نکال دیا تھا کیونکہ فروری میں صحافی پیٹر لالور نے غزہ کے لوگوں کےحق میں سوشل میڈیا پر بیان دیا تھا۔
آسٹریلوی صحافی پیٹر لالور کو بیان دینے کے بعد ادارے نے نوکری سے فارغ کردیا گیا تھا جس پر عثمان خواجہ سوشل میڈیا پر پیٹر لالور کے حق میں بولے اور نوکری سے نکالے جانے کو تنقید کا نشانہ بنایا۔
دوسری جانب انٹرویو دینے سے انکار پر پیٹر لالور نے عثمان خواجہ کی تعریف کی اور کہا کہ عثمان خواجہ اصول پرست انسان ہیں اور مجھے نکالنےکے وقت بھی اُن کی سپورٹ قیمتی تھی۔
