بیجنگ : بھارتی وزیر دفاع راج ناتھ سنگھ نے شنگھائی تعاون تنظیم کے مشترکہ اعلامیے میں پہلگام کا ذکر نہ ہونے پر دستخط کرنے سے انکار کر دیا۔
تفصیلات کے مطابق بین الاقوامی سطح پر پاکستان کے مؤقف کی ایک اور جیت ہوئی اور بھارت کو منہ کی کھانی پڑی۔
شنگھائی تعاون تنظیم نے بھی بھارتی پروپیگنڈا تسلیم کرنے سے انکار کردیا، ایس سی او وزرائے دفاع اجلاس کے اعلامیہ میں نہ صرف پہلگام واقعہ کا ذکر نہیں کیا گیا بلکہ بھارت کو بلوچستان میں بدامنی پھیلانے کا ذمے دار بھی ٹھہرایا دیا گیا اور ساتھ ہی جعفرایکسپریس پردہشت گردحملےکی مذمت کی گئی۔
اعلامیہ سامنے آیا تو بھارتی وزیر دفاع سٹپٹا گئے اور قلم میز پر چھوڑ کرکچھ دیرسوچتے رہے کہ کیا کریں، پھر اعلامیے پر دستخط کرنے سے ہی انکار کردیا۔
اطلاعات کے مطابق بھارتی وفد اعلامیے میں پاکستان کی مذمت کے لیے منتیں کرتا رہا لیکن رکن ملکوں کے وفود نے بھارتی موقف کی حمایت سے انکار کر دیا۔
بھارتی وزیر دفاع کی ہٹ دھرمی پر تنظیم کا کہنا ہے اعلامیہ جاری نہیں کیا جائے گا۔
سابق سفیرسردارمسعود خان کا کہناہے بھارت تنہائی کا شکار ہے، ایک اور فورم پر بھارت کو سبکی کا سامنا کرنا پڑا ہے۔
