مزاحمتی سائبر یونٹ نے اہم دستاویزات جاری کر دیں جن میں اسرائیلی فوج کے زیر استعمال جدید ٹیکنالوجی کے راز سے پردہ اٹھ گیا۔
ایران کی تسنیم نیوز ایجنسی کی رپورٹ میں بتایا گیا کہ سائبر سپورٹ فرنٹ نے ایک ٹارگٹڈ سائبر حملے کے دوران اسرائیلی فوج کی دو جدید مصنوعات سے منسلک دستاویزات حاصل کیں۔
ایران اسرائیل کشیدگی سے متعلق تمام خبریں
دستاویزات کے مطابق پہلی پروڈکٹ ہیٹورکس (HattoriX) ہے جو طویل فاصلے تک حملہ کرنے کیلیے زمین پر مبنی اور ہدف کے حصول کا نظام ہے، دوسری اسپائیک-ایل آر 2 ہے جو ففتھ جنریشن اور ملٹی پلیٹ فارم میزائل نظام ہے جو جدید جنگوں کیلیے ڈیزائن کیا گیا ہے۔
دونوں سسٹمز رافیل اور ایلبیٹ سسٹم کے معاہدوں کے تحت اسرائیل میں ایک فوجی صنعتی فرم سی آر کاسٹنگ یا ایکسٹری کے ذریعے تیار کیے گئے ہیں۔
علاقائی فوجی سکیورٹی تجزیہ کاروں کے مطابق یہ سسٹمز حال ہی میں غزہ، لبنان اور ایران پر حملوں میں استعمال کیے گئے تھے۔
سائبر سپورٹ فرنٹ نے سی آر کاسٹنگ صنعتی انفراسٹرکچر میں دراندازی کے بعد یہ اہم دستاویزات حاصل کیں جس کے نتیجے میں راز افشا ہوئے۔ سائبر آپریشن اسرائیلی حکومت کے فوجی صنعتی کمپلیکس کو ختم کرنے کیلیے ایک وسیع تر مہم کا حصہ ہے۔
