سابق بھارتی اداکارہ ثنا خان کی والدہ طویل علالت کے بعد انتقال کرگئیں۔
فوٹو اور ویڈیو شیئرنگ ایپ انسٹاگرام پر اداکارہ ثنا خان نے والدہ مسز سعیدہ کے انتقال کی اطلاع دی، وہ برسوں سے صحت کے متعدد مسائل میں مبتلا تھیں۔
اداکارہ نے لکھا کہ ’انا للہ و انا الیہ راجعون، میری پیارہ والدہ سعیدہ خراب صحت کے ساتھ جدوجہد کے بعد اللہ کے پاس واپس آگئی ہیں۔‘
انہوں نے بتایا کہ ’والدہ کی نماز جنازہ اوشیوارہ قبرستاں میں عشا کی نماز کے بعد 9 بجکر 45 منٹ پر ادا کی جائے گی۔
ثنا خان نے مداحوں سے والدہ کی مغفرت کے لیے دعا کی اپیل بھی کی۔
اداکار علی گوئی، جنت زبیر، گوہر خان اور ان کے شوہر زید دربار اور کامیڈین منور فاروقی کی اہلیہ مہزبین سمیت کئی شوبز شخصیات نے ان کی والدہ کے انتقال پر تعزیت کی اور ان کی رہائشگاہ پہنچے۔
واضح رہے کہ رئیلٹی شو بگ باس اور 2014 میں سلمان خان کی فلم ’جے ہو‘ میں اداکاری کرنے والی ثنا خان نے 2020 میں شوبز کو خیرباد کہہ دیا تھا۔
اداکارہ نے اسی سال کے آخر میں اسلامی اسکالر انس سید
