کراچی میں واٹر ٹینکر ریورس کرتے ہوئے ٹکر لگنے سے بزرگ شہری جاں بحق ہوگیا۔
کراچی کے علاقے کورنگی ویٹا چورنگی پر ٹینکر نے ریورس کرتے ہوئے بزرگ شہری کو ٹکر مار دی جس کے نتیجے میں وہ جاں بحق ہوگیا۔
ویڈیو میں ٹینکر کو ریورس آتے اور شہری کو کچلتے دیکھا جاسکتا ہے۔
حادثے کے بعد ڈرائیور بزرگ شہری اور ٹینکر کو چھوڑ کر فرار ہوگیا۔
ریسکیو حکام کے مطابق ہاشم نامی بزرگ شہری آفس جانے کے لیے گھر سے نکلا تھا اور سڑک پر بس کے انتظار میں کھڑا تھا۔
ہاشم دو بچوں کا باپ اور کورنگی کا رہائشی تھا اور کیماڑی میں نوکری کرتا تھا۔
پولیس حکام کا کہنا ہے کہ ٹینکر ڈرائیور گھر سے فرار ہوگیا ہے، شبہ ہے کہ ملزم شہر سے فرار ہوگیا ہے لیکن اس کی گرفتاری کے لیے کوششین جاری ہیں۔
