پنجاب پولیس کے کرائم کنٹرول ڈپارٹمنٹ (سی سی ڈی) نے خفیہ اطلاع پر کارروائی کرتے ہوئے شاہ گینگ کے 2 اشتہاری ہلاک ہوگئے۔
تفصیلات کے مطابق سی سی ڈی نے خفیہ اطلاع پر گوجرہ میں شاہ گینگ کیخلاف آپریشن کیا، آپریشن کے دوران فائرنگ کے تبادلے میں شاہ گینگ کے مزید 2 اشتہاری ہلاک ہوگئے۔
سی ٹی ڈی ترجمان کا کہنا ہے کہ اشتہاریوں کی موجودگی پر خفیہ اطلاع پر سی سی ڈی نے چھاپہ مارا، ملزمان سے فائرنگ کا تبادلہ آدھے گھنٹے تک جاری رہا اس دوران 2 ملزم زخمی حالت میں گرفتار ہوئے۔
سی ٹی ڈی ترجمان کا کہنا ہے کہ زخمی ملزمان اسپتال منتقلی کے دوران دم توڑ گئے، ہلاک ملزمان کی شناخت وقاص اور انعام الحق کے نام سے ہوئی ہے۔
ترجمان کا مزید کہنا ہے کہ دونوں اشتہاری قتل، بھتہ، راہزنی، ڈکیتی سمیت درجنوں مقدمات میں مطلوب تھے، شاہ گینگ کے 4 سرغنہ پہلے ہی پولیس مقابلے میں مارے جا چکے ہیں۔
ہلاک ملزمان میں گلفام شاہ، عمر شاہ، حسن شاہ اور بلال شاہ شامل ہیں، چاروں ہلاک ملزمان فیصل آباد کے علاقے میں دہشت کی علامت سمجھے جاتے تھے۔
قصور میں دو ڈاکو ہلاک
قصور میں سی سی ڈی اور ڈاکوؤں میں فائرنگ کے تبادلے میں دو ڈاکو ہلاک اور دو فرار ہوگئے، سی سی ڈی حکام کے مطابق ہلاک ڈاکوؤں کی شناخت نقاش بٹ اور عثمان عرف اسامہ کے نام سے ہوئی ہے۔
دوسری جانب سیالکوٹ میں پولیس اور ڈاکوؤں میں مبینہ مقابلے اور فائرنگ کے تبادلے میں ایک ڈاکو ہلاک، ایک فرار ہوگیا، ہلاک ڈاکو معصوم عرف موما اقدام قتل، ڈکیتی سمیت سترہ سنگین مقدمات میں مطلوب تھا۔
