جنوبی کوریا کے دارالحکومت سؤل میں بیوی سے طلاق پر دلبرداشتہ شوہر نے چلتی ٹرین کو آگ لگا کر کئی مسافروں کی جان خطرے میں ڈال دی۔
غیر ملکی میڈیا کے مطابق ملزم کی شناخت 67 سالہ وون کے نام سے ہوئی جس پر باضابطہ طور پر سؤل میں چلتی ٹرین کے اندر آگ لگانے کے کیس میں فرد جرم عائد کر دی گئی۔
یہ واقعہ 31 مئی 2025 کو پیش آیا تھا اور اس میں زخمیوں اور املاک کو کافی نقصان پہنچا تھا۔
서울지하철 5호선 방화범 CCTV
사망자 없는게 기적이네요 pic.twitter.com/IQMowGZkWH— 브이몬 (@XXV_mon) June 25, 2025
سؤل سدرن ڈسٹرکٹ پراسیکیوٹرز کے دفتر کے مطابق وون کو متعدد الزامات کا سامنا ہے جن میں قتل کی کوشش، چلتی ٹرین میں آتشزدگی اور ریلوے سیفٹی ایکٹ کی خلاف ورزی شامل ہے۔
آگ صبح 8:42 بجے لائن 5 پر Yeouinaru اور Mapo اسٹیشن کے درمیان اُس وقت لگائی گئی جب ٹرین زیر سمندر سرنگ سے گزر رہی تھی۔
وون نے مبینہ طور پر ٹرین کے اندر پیٹرول ڈالا اور پھر آگ بھڑکانے کیلیے اپنے کپڑوں کو آگ لگائی جس کے نتیجے میں 22 مسافروں کو سانس لینے پر دشوار پر اسپتال میں داخل کروایا گیا جبکہ 129 مسافروں کو جائے وقوعہ پر فوری طبی امداد فراہم کی گئی۔
ملزم وون کو بھی حالت بگڑنے پر اسپتال منتقل کیا گیا تھا۔
جنوبی کوریائی حکام کے مطابق آگ لگنے سے 330 ملین کا نقصان ہوا۔ تفتیش کاروں کے مطابق ملزم نے اپنے طلاق کے کیس کے نتائج پر مایوسی کی وجہ سے یہ حرکت کی، اسے 9 جون کو پولیس نے حراست میں لے کر استغاثہ کے حوالے کر دیا تھا۔
انہوں نے بتایا کہ حکام اس واقعے کے حالات کا جائزہ لے رہے ہیں تاکہ مستقبل میں ایسے حملوں کو روکا جا سکے۔
