پاکستان انٹرنیشنل ایئرلائن میں کارگو شعبہ کے افسر کو میڈیکل شعبہ کا سربراہ لگائے جانے کا انکشاف ہوا ہے۔
آڈیٹرجنرل رپورٹ کے مطابق طبی ماہر کی جگہ کارگو شعبہ کے افسر کو جی ایم میڈیکل بنایا گیا ہے، جی ایم کارگو طارق حسین کو جی ایم میڈیکل سروسز کے عہدے پر تعینات کیا گیا۔
چیف میڈیکل افسر کی آسامی کو تبدیل کر کے جی ایم میڈیکل سروس کیا گیا۔
رپورٹ کے مطابق پی آئی اے چیف میڈیکل افسر کی آسامی کے سروس رولز تبدیل کیےگئے کیونکہ شعبہ میڈیکل کے سربراہ کیلئے ڈاکٹر، ایوی ایشن میڈیسن میں ڈپلومہ لازمی ہے، انتظامیہ نے جی ایم میڈیکل عہدے کیلئے ماسٹر ڈگری یا ایم بی اےکی شرط عائد کی۔
آڈیٹر جنرل نے فوری ماہر سینئر ڈاکٹر کو چیف میڈیکل افسر کے عہدے پر تعینات کرنے کی ہدایت کر دی۔ واضح رہے کہ 2017 میں انتظامیہ نے چیف میڈیکل افسر کی آسامی تبدیل کر کے جی ایم میڈیکل سروسز کیا تھا۔
