پاکستان کے معروف یوٹیوبر اور ٹک ٹاکر رجب بٹ کے گھر پر نامعلوم افراد فائرنگ کرکے فرار ہوگئے۔
پاکستان کے معروف یوٹیوبر رجب بٹ کے گھر پر فائرنگ کے واقعے کا مقدمہ تھانہ چوہنگ میں یوٹیوبر کی مدعیت میں دفعہ 440 اور 429 کے تحت درج کر لیا گیا۔
ایف آئی آر کے مطابق رجب بٹ نے پولیس کو بتایا کہ وہ 24 جون کی رات برہر تھے جب انہیں گھر سے فون آیا، میرے اہل خانہ نے بتایا کہ نامعلوم افراد کا ایک گروپ کلٹس کار میں ہمارے گھر کے باہر آےت اور انہوں نے مجھے گالی دی اور فائرنگ شروع کر دی اور پھر فرار ہو گئے۔
یوٹیوبر نے پولیس کو بتایا کہ فائرنگ کی وجہ سے گھر کی دیواروں پر چند گولیاں لگیں اور اس واقعے کی وجہ سے ایک کتا بھی مارا گیا۔
انہوں نے کہا کہ حملہ ان کے گھر پر کیا گیا جس کا مقصد انہیں اور ان کے خاندان کو شدید نقصان پہنچانا ہے، اس کے علاوہ انہوں نے حکومت سے تحفظ کی درخواست کی۔
پولیس حکام کا کہنا ہے کہ رجب بٹ کے خلاف بھی سنگین نوعیت کے مقدمات درج ہیں، تاہم اس کیس کی تفتیش کی جا رہی ہے۔
