پاکستان کے معروف اداکار ہمایوں سعید اور سجل علی کے ڈرامہ سیریل ’میں منٹو نہیں ہوں‘ کے تیسرا ٹیزر جاری کردیا گیا جس میں سجل نے دھوم مچادی۔
ڈرامہ سیریل ’میں منٹو نہیں ہوں‘ کے تیسرے ٹیزر میں سجل علی کے کردار کو نمایا طور پر دکھایا گیا ہے جس نے ناظرین کو جوش و خروش کو مزید بڑھا دیا ہے۔
نئے ٹیزر میں سجل کو ایک بے باک، نڈر اور بلا جھجک دو ٹوک انداز میں کالج کے طالب علم، اور ہمایوں سعید کے ساتھ گفتگو کرتی نظر آرہی ہیں۔
مرکزی کرداروں کے علاوہ، نئے ٹیزر میں پاکستان کی ورسٹائل آرٹسٹ صنم سعید کے کردار کی جھلک بھی دکھائی گئی ہے، جو کالج کی ایک باوقار پروفیسر اور بظاہر ہمایوں کی آن اسکرین بیوی ہیں۔
میگا کاسٹ پر مبنی ڈرامے کے جاری کیے گئے مختصر دورانیے کے ٹیزر سے اس کی کہانی سمجھنا مشکل ہے، تاہم عندیہ ملتا ہے کہ ڈرامے میں محبت، سماجی اقدار اور بدلتی ترجیحات سمیت پرانی روایات کو دکھایا جائے گا۔
میں منٹو نہیں ہوں میں ہمایوں سعید اور سجل علی کے علاوہ صائمہ نور، صنم سعید، اذان سمیع خان، نمیر خان، صبا فیصل، حاجرہ ہامین ودیگر شامل ہیں۔
ڈرامے کی کہانی تجربہ کار ڈرامہ نگار خلیل الرحمان قمر نے لکھی ہے جبکہ ندیم بیگ نے اس کی ہدایت کاری کے فرائض ادا کیے ہیں۔ڈرامے ککو جلد ہی اے آر وائی ڈیجیٹل پر نشر کیا جائے گا۔
