اداکارہ اور گانے ’کانٹا لگا‘ سے شہرت حاصل کرنے والی شیفالی جریوالا نے ان کی موت سے متعلق سوسائٹی کے گارڈ سے متعلق تہلکہ خیز انکشافات کردیے۔
بھارتی اداکارہ شیفالی جریوالا گزشتہ روز اچانک دل کا دورہ پڑنے سے چل بسیں، اسپتال انتظامیہ نے تصدیق کی تھی کہ جب انہیں اسپتال لایا گیا تو وہ مرچکی تھیں۔
شیفالی جریوالا کی اچانک موت کی خبر نے شوبز انڈسٹری اور ان کے مداحوں کو صدمے سے دوچار کردیا ہے۔
تاہم سیکیورٹی گارڈ شتروگھن نے کہا کہ جس رات شیفالی کا انتقال ہوا اس رات ان کی رہائشی سوسائٹی میں ڈیوٹی پر موجود تھا۔
یہ پڑھیں: ’کانٹا لگا‘ سے مشہور ہونے والی شیفالی جریوالا چل بسیں
سیکیورٹی گارڈ نے کہا کہ شیفالی کو رات ساڑھے 10 بجے کے قریب اسپتال لے جایا گیا لیکن اس سے ایک گھنٹے قبل ان کے شوہر پیراگ تیاگی موٹر سائیکل پر سوسائٹی میں آئے تھے اور میں نے ہی دروازہ کھولا تھا۔
گارڈ نے مزید بتایا کہ ’ شیفالی کو اسپتال لے جانے کے بعد ایک شخص سوسائٹی میں موٹر سائیکل پر آیا تھا جو بظاہر ان کا دوست لگ رہا تھا، اس شخص نے ہمیں بتایا کہ شیفالی اب نہیں رہی، جب ہم نے سنا تو ہمیں یقین نہیں آیا کیوں کہ ہم نے میڈم کو پرسوں ہی دیکھا تھا‘۔
گارڈ کا کہنا ہے کہ اس سے قبل پرسوں شام کے وقت شیفالی اور پیراگ اپنے پالتو کتے کے ساتھ سوسائٹی کے احاطے میں چہل قدمی کررہے تھے، گزشتہ شپ شیفالی کو اسپتال لے جانے کے فوراً بعد پولیس کی ٹیمیں اور فارنزک یونٹ جائے وقوعہ پر پہنچ گئے، شیفالی کے گھر کے باہر کل رات سے ہی 2 موبائل فارنزک یونٹ کی گاڑیاں موجود ہیں۔
مزید پڑھیں: اداکارہ شیفالی کی اچانک موت کیسے ہوئی؟ پولیس نے تفتیش شروع کر دی
واضح رہے کہ شیفالی 2000 کی دہائی کے اوائل میں ہٹ میوزک ویڈیو ’کانٹا لگا‘ میں ڈانس کرکے مشہور ہوئی تھیں۔
انہوں نے سلمان خان اور اکشے کمار کی فلم ’مجھ سے شادی کروگی‘ کے آئٹم سانگ میں شامل ہوئی تھیں۔
شیفالی نے مقبول رئیلٹی ٹی وی شو بگ باس میں حصہ لیا، حالیہ برسوں میں وہ سوشل میڈیا پر متحرک رہیں، اکثر گلیمرس اور سنسنی خیز تصاویر پوسٹ کرتی رہتی ہیں جنہوں نے انہیں لائم لائٹ میں رکھا اور لاکھوں مداحوں سے ان کو جوڑ دیا۔
