برطانیہ میں کے سالانہ فیسٹیول میں ہزاروں لوگوں کی موجودگی میں ریپ اسٹار باب وائلن سمیت گلوکاروں نے کانسرٹ کے دوران اسرائیل مردہ باد کے نعرے لگا دیے۔
غیر ملکی میڈیا رپورٹس کے مطابق برطانیہ میں کانسرٹ کے دوران اسرائیل مردہ باد کے نعرے لگ گئے، اور فلسطین کو آزاد کرو کا مطالبہ کیا گیا، گلوکاروں نے فلسطین کی حمایت اور اسرائیل کے خلاف نعرے لگائے۔
برطانیہ کے موسیقی کے سالانہ میلے گلاسٹنبری فیسٹیول میں ریپ گلوکار باب وائلن نے بھی فلسطین کو آزاد کرو اور اسرائیلی فوج مردہ باد کے نعرے لگائے، آئرش ریپ گروپ ’نی کیپ‘ نے کہا ہم آواز بلند کریں گے تو فلسطین کے معاملے پر دوسرے میوزک گروپ بھی آواز بلند کریں گے۔
Bob Vylan at Glastonbury got the crowd to chant “death, death to the IDF”.
Adding “from the river to the sea, Palestine will be free. Inshallah” at the end.
Completely unacceptable. Underneath the inclusivity facade, Glastonbury has become a hate fest. pic.twitter.com/URaMarlPJe
— Chris Rose (@ArchRose90) June 28, 2025
دل چسپ بات یہ ہے کہ گلاسٹنبری سیٹ سے آئی ڈی ایف مردہ باد کے نعرے بی بی سی سے آن ایئر ہوئے، جس پر برطانوی ٹی وی پر بھی تنقید شروع ہو گئی ہے، کہ انھوں نے بروقت اسے کیوں ایڈٹ نہیں کیا۔ تاہم بی بی سی کے ایک ترجمان نے باب وائلن کے سیٹ کے دوران کیے گئے کچھ تبصرے شدید جارحانہ قرار دیے۔
حکومتی ترجمان کا کہنا تھا کہ ثقافت کی سیکریٹری لیزا ننڈی نے بی بی سی کے ڈائریکٹر جنرل سے باب وائلن کی پرفارمنس کے بارے میں بات کی ہے۔ پولیس نے بھی متنازعہ اسرائیل مخالف تبصروں کی تحقیقات شروع کر دی ہیں۔ ایون اور سمرسیٹ پولیس نے کہا ہے کہ افسران کی طرف سے ویڈیو شواہد کا جائزہ لیا جا رہا ہے تاکہ تعین کیا جائے کہ آیا کوئی ایسا جرم ہوا ہے جس کے لیے مجرمانہ تفتیش کی ضرورت ہو۔
