جگارتہ : انڈین چیف آف ڈیفنس اسٹاف جنرل انیل چوہان کے بعد بھارتی دفاعی اتاشی کیپٹن شیو کمار نے اعتراف کہا پاک فضائیہ نے ہندوستان کے لڑاکا طیارے گرائے۔
تفصیلات کے مطابق انڈونیشیا میں ’پاکستان بھارت فضائی جنگ پر سمینار ہوا ، جہاں بھارتی دفاعی اتاشی نے تسلیم کیا کہ پاک فضائیہ نے رافیل سمیت جنگی طیارے تباہ کیے۔
کیپٹن شیو کمار نے کہا ہے کہ بھارتی لڑاکا طیاروں کے نقصان کی وجہ یہ تھی کہ سیاسی قیادت نے ایئر فورس کو پاکستانی فوجی تنصیبات اور فضائی دفاعی نظام پر حملہ آور ہونے کی اجازت نہیں دی تھی۔
مودی حکومت کے سخت سیاسی احکامات نےبھارتی فضائیہ کی کارروائیاں محدود کیں، ھارتی افواج خودمختار نہیں بلکہ سیاسی احکامات کی پابند ہیں،مودی حکومت کی سیاسی مداخلت کے باعث بھارتی فضائیہ پاکستانی فوجی اہداف کو نشانہ نہ بنا سکی۔
انہوں نے طیاروں کی تعداد سے متعلق نہیں بتایا البتہ یہ ضرور تسلیم کیا کہ انڈین طیارے گرے۔
مزید پڑھیں : بھارتی چیف آف ڈیفنس کا پاکستان ایئر فورس کے ہاتھوں طیاروں کی تباہی کا اعتراف
اس سے پہلے انڈین چیف آف ڈیفنس اسٹاف جنرل انیل چوہان نے سنگاپور میں ایک انٹرویو میں طیارے گرنے کااعتراف کرتے ہوئے کہا تھا کہ اصل مسئلہ جیٹ طیاروں کےگرنے کا نہیں تھا بلکہ اہم یہ تھا کہ وہ کیوں گرے۔
خیال رہے پاکستان نے بھارت کے رافیل سمیت 6 طیارے مار گرانے کا دعویٰ کیا تھا اور دنیا پاکستان کی عسکری مہارت کی معترف ہوگئی تھی۔
