پشاور: پشاور ہائی کورٹ نے 5 سالہ بیٹی کے قتل میں سزائے موت پانے والے والد کی اپیل خارج کردی اور کہا ائل کورٹ نے درست فیصلہ دیا ہے یہ دل دہلانے والی کہانی تھی۔
تفصیلات کے مطابق پشاور ہائی کورٹ میں 5 سالہ بیٹی کے قتل میں سزائے موت پانے والے والد کی اپیل پر فیصلہ جاری کردیا گیا۔
جسٹس صاحبزادہ اسداللہ نے25صفحات پرمشتمل تحریری فیصلہ جاری کیا ، پشاور ہائی کورٹ نےماتحت عدالت کا فیصلہ برقرار رکھا۔
عدالتنے انصاف کےتقاضے پورے کرتےہوئے اپیل خارج کرتے ہوئے کہا کہ ملزم عبیداللہ نے اپنی 5 سالہ بیٹی کو قتل کیا تھا، واقعہ 11 جولائی 2022 کو تھانہ پڑانگ چارسدہ کی حدود میں پیش آیا تھا۔
فیصلے میں کہا گیا کہ انکوائری کے دوران مقتولہ بچی کی والدہ نے اپنے شوہر کو مقدمے میں نامزدکیا، ملزم کو پولیس نے گرفتار کر کے ٹرائل شروع کیا، سیشن کورٹ چارسدہ نے ملزم کو سزائے موت اور 5 لاکھ روپےجرمانے کی سزا سنائی۔
عدالت کا کہنا تھا کہ ملزم کو اپنی بیوی پر تعلق کاشک تھا، دونوں میاں بیوی کے درمیان بداعتمادی تھی، جو بچی کی قتل کی وجہ بنی، ملزم کو شک کی بنا پر اپنی بیٹی کو قتل کرنے کا حق نہیں تھا۔
اعترافی بیان سے بھی معلوم ہوتا ہے کہ قتل ملزم نے کیا ہے، بچی اتنی معصوم تھی کہ اس نے اپنے آپ کو والد کے حوالے کیا، ٹرائل کورٹ نے درست فیصلہ دیا ہے یہ دل دہلانے والی کہانی تھی۔
