لاہور : پنجاب میں فیک نیوز کی روک تھام کیلئے نیا سسٹم نافذ کرکے اسپیشل برانچ کی رپورٹ پر درجنوں متنازع سوشل میڈیا اکاؤنٹس بلاک کردیئے ہیں۔
تفصیلات کے مطابق وزیراعلیٰ پنجاب کی ہدایت پر محرم میں فیک نیوز کی روک تھام کیلئے خصوصی اقدامات جاری ہے۔
پنجاب میں فیک نیوز کی روک تھام کیلئے نیا سسٹم نافذ کرکے اسپیشل کنٹرول روم قائم کردیا گیا ، محرم کے دوران سوشل میڈیا پر فیک نیوز نشر کرنے پر سخت قانونی کارروائی ہوگی۔
سوشل میڈیا اکاؤنٹ پرم تنازع مواد کی تشہیر کرنیوالے کی ٹریسنگ جاری ہے اور کارروائی کا آغاز کردیا گیا ہے اور پنجاب میں اسپیشل برانچ کی رپورٹ پر درجنوں متنازع سوشل میڈیا اکاؤنٹس بلاک کردیئے ہیں۔
عشرہ محرم الحرام کے دوران صوبےمیں پہلی بارسائبر پٹرولنگ کا آغاز کردیاگیا ، قابل اعتراض موادکی مانیٹرنگ ،رپورٹنگ کیلئے پی آئی ٹی بی کا خصوصی پورٹل بھی فعال کردیا ہے۔
اسپیشل سیل میں مذہبی منافرت ،فرقہ واریت پرمشتمل سوشل میڈیا مواد کی 24 گھنٹے مانیٹرنگ کی جاری ہے۔
وزیراعلیٰ مریم نواز نے ڈرون کیمروں کے استعمال پر پابندی ہرصورت یقینی بنانے کی ہدایت بھی کی ہے۔
محرم الحرام کےجلوس ،مجالس کی سیکیورٹی محفوظ بنانے کیلئےکوئیک رسپانس فورس تعینات کردی گئی ہے، جلوسوں کے دوران سکیورٹی کے لئے چاروں اطراف آہنی پائپ کی تنصیب کی گئی ہے۔
عشرہ محرم کے ہر جلوس کے داخلی گیٹ پر خصوصی کیمرے نصب کئے گئے ہیں، آنےوالوں کی شناخت ہوگی۔
مجالس،جلوسوں میں خواتین عزاداروں کی سیکیورٹی کے لئے پولیس افسر اور اہلکار تعینات کئے گئے ہیں اوت مذہبی منافرت پر مبنی موادکی تشہیر ،تقاریر پر مکمل پابندی کیلئے خصوصی اقدامات کئے ہیں۔
وزیراعلیٰ پنجاب کا کہنا ہے کہ واقعہ کربلا امن اور رواداری کا درس دیتا ہے، عشرہ محرم الحرام کےدوران امن یقینی بنانے کیلئےممکنہ اقدام کریں گے، موجودہ عالمی حالات کےتناظر میں عشرہ محرم الحرام حساس ہے، کوتاہی کی گنجائش نہیں۔
