پرتگال: پرتگال کے ساحل پر انتہائی نایاب "رول کلاؤڈز” نے سیاحوں کو چونکا کر رکھ دیا اور منظر کی ویڈیو وائرل ہوگئی۔
تفصیلات کے مطابق دنیا بھر میں موسمیاتی تبدیلیوں کے اثرات شدت اختیار کرگئے ہیں، کہیں طوفانی بارشیں تباہی مچا رہی ہیں، تو کہیں غیر معمولی گرمی نے زندگی اجیرن بنا دی ہے۔
تاہم انہی غیر متوازن موسمی حالات میں بعض اوقات قدرت کچھ ایسے دلکش مناظر بھی دکھا دیتی ہے، جو دیکھنے والوں کو حیران کر دیتے ہیں۔
ایسا ہی ایک حیرت انگیز اور دل فریب منظر پرتگال کے ساحلی علاقے میں دیکھا گیا، جہاں سمندر کے اوپر بادلوں کی ایک لہر بنی۔
قدرتی طور پر بننے والا یہ منظر اس قدر منفرد تھا کہ دیکھنے والے حیران رہ گئے۔
یورپ میں شدید گرمی نے شہریوں کا برا حال کردیا، فرانس میں گرمی کی وجہ سے ایفل ٹاور کا بلند ترین حصہ عوام کے لیے بند کردیا گیا۔
اسپین میں بھی شدید گرمی پڑی پارہ چھیالیس ڈگری تک جاپہنچا، اٹلی میں پارہ چالیس ڈگری کی گرمی پڑی۔ برطانیہ میں بھی شہریوں کا گرمی سے برا حال کردیا جبکہ پرتگال اور کروشیا میں بھی شدید گرمی پڑی۔
