کراچی : دن دیہاڑے موٹرسائیکل سوار ملزم خاتون سے سونے کی انگوٹھی چھین کر فرار ہوگیا، واقعے کی سی سی ٹی وی بھی سامنے آگئی ہے۔
تفصیلات کے مطابق کراچی الفلاح سوسائٹی کے علاقے باغ ابراہیم میں دن دیہاڑے ڈکیتی کی واردات ہوئی۔
جہاں موٹرسائیکل سوار ملزم نے اسلحے کے زور پر خاتون سے سونے کی انگوٹھی چھین لی۔
واردات کی سی سی ٹی وی فوٹیج سامنے آگئی، جس میں خاتون کو بچے کے ساتھ گلی سے جاتے دیکھا جاسکتا ہے۔
ویڈیو میں دیکھا جاسکتا ہے کہ موٹر سائیکل سوارملزم اسلحے کے زور پر خاتون سے لوٹ مار کرتا ہے، خاتون تھوڑی دیر مزاحمت کرتی ہے، اس دوران گلی میں ایک نوجوان آتا ہے تو ڈاکو اسلحے کے اشارے سے نوجوان کو واپس جانے کی دھمکی دیتا ہے۔
مزید پڑھیں : کراچی : ملزمان 20 سیکنڈ میں خاتون کے گلے سے سونے کی چین چھین کر فرار
واردات کے بعد ملزم کوموٹر سائیکل پر بیٹھ کر موقع سے فرار ہوتے دیکھا جاسکتا ہے۔
پولیس کا کہنا تھا کہ واقعہ 30 جون کو پیش آیا، درخوست آئی ہے مقدمہ درج کیا جائے گا، فوٹیج اور دیگر شواہد کی مدد سے ملزم کی گرفتاری کی کوشش کر رہے ہیں۔
