اگر آپ ایسا سوچتے ہیں کہ بے انتہا اسراف اور شاہی انداز میں شادی صرف ہندستان کا امیر خاندان امبانی ہی کرسکتا ہے تو جی نہیں ایسا بالکل نہیں۔
شاہانہ انداز میں شادی کرنے کا اعزاز اب تک صرف امبانیوں کے پاس تھا مگر اب ترکی کے مشرقی صوبے وان میں ہونے والی ایک شاہانہ شادی نے سب کی توجہ کا مرکز بن گئی۔
ترکی کے مشرقی صوبے وان میں دُلہا اور دُلہن پر تحائف کی بارش کر دی گئی، مہمانوں نے دُلہا دُلہن کو قیمتی تحائف دیئے۔
میڈیا رپورٹس کے مطاطق دُلہن کو تقریباً 2 کلو گرام خالص سونا تحفے میں دیا گیا جبکہ دُلہے کو حیران کن طور پر 65 لاکھ ترک لیرا نقدی کی صورت میں دیے، جو پاکستانی کرنسی میں تقریباً ڈیڑھ کروڑ روپے بنتے ہیں۔
View this post on Instagram
شادی کی دلچسپ بات یہ تھی کہ کہ دُلہے کو ملنے والی رقم گننے کے لیے چودہ افراد پر مشتمل ٹیم موجود تھی جو مسلسل پیسوں کی گنتی میں مصروف رہی۔
شادی میں ترکیے اور بیرونِ ملک سے تقریباً پانچ ہزار مہمانوں نے شرکت کی، جبکہ دو روز تک جاری رہنے والی تقریبات کے دوران 9 ہزار افراد کے لیے کھانے کا انتظام کیا گیا، جس میں ایک ٹن گوشت استعمال ہوا۔
